Video / આફ્રિકન દેશોમાં વધી એવી માંગ કે ચાઈનાને ટક્કર આપવાની તૈયારીમાં રાજકોટ, જાણો કઈ રીતે

• આફ્રિકન દેશોમાં વધશે ભારતનુ પ્રભુત્વ 
• મેન્યુફકચરિંગ હબને મળશે રફ્તાર 
• મોટા પાયે મશીનરીની થશે નિકાસ 
• આફ્રકિન દેશોમાં ભારતની મશીનરીની માગ 

રાજકોટ મેન્યુફેક્ચર પ્રોડક્ટની સમગ્ર વિશ્વમાં નિકાસ કરે છે ત્યારે હવે રાજકોટના ઉદ્યોગો ચાઈનાને ટક્કર આપવા જઈ રહ્યા છે. કારણ કે, આફ્રિકન દેશ યુગાન્ડામાં હવે ભારતીય મૂળના મશિનો અને સંસાધનોની આયાત કરાશે. અને પોતાના જ દેશમાં ઉત્પાદન કરી ચાઈનાના માલ-સમાનને ઘટાડશે. 

ચાઈનાને ટક્કર આપવાની તૈયારીમાં રાજકોટ
રાજકોટ ધીમે-ધીમે ઈન્ડસ્ટ્રીયલ હબ બનતું જઈ રહ્યું છે. તેમાં પણ મશિનરી અને ઓઝારોમાં તેનો કોઈ તોડ નથી. તેવામાં હવે રાજકોટની ઈન્ડસ્ટ્રીઓ ચાઈનાને ટક્કર આપવાની તૈયારીમાં છે. કારણ કે, આફ્રિકન દેશોનું ભારત તરફ વધેલું વલણ ચાઈનાને ભારે પડશે. હાલ યુગાન્ડાનું હાઈ કમિશન અને એમ્બેસેડર મહમદ કેઝાલાનું ડેલિગેશન રાજકોટની મુલાકાતે છે. આ ડેલિગેશનનો પ્રવાસ ખાસ કરીને ચાઈનાથી યુગાન્ડમાં થતી આયાતને ઘટાડીને પોતાના જ દેશમાં ઉત્પાદન વધારવાનો છે.. અને આ માટે તેમનો રાજકોટ પ્રવાસ મહત્વનો બની જાય છે કારણ કે, રાજકોટ મેન્યુફકચરિંગ ઉદ્યોગનું હબ છે. CNC, VMC, પ્લાસિટિક ઉદ્યોગો અને તેના નિર્માણ માટેની મશિનરીનું રાજકોટમાં ખુબ મોટા પ્રમાણમાં ઉત્પાદન થાય છે.. એટલે કે, રાજકોટની મશિનરી હવે યુગાન્ડમાં રાજ કરશે.. અને ભારત અને યુગાન્ડા વચ્ચેના સંબંધો મજબૂત બનશે. 

ભારતની મશિનરીથી યુગાન્ડામાં શરૂ કરવા માગે છે ઉદ્યોગ
મહત્વનું છે કે, વેપાર ઉદ્યોગને લઈને હંમેશા ભારત અને ચાઈના વચ્ચે કાંટાની હરીફાઈ રહે છે. તેમાં પણ ચાઈના સાથેના સંબંધોમાં કડવાસ આવ્યા બાદ ભારતે ચાઈનીઝ માલ-સમાનનો બહિષ્કાર કર્યો છે અને ભારતમાં જ દરેક વસ્તુનું ઉત્પાદન શરૂ કર્યું છે. બીજી તરફ કોરોના કાળમાં આફ્રિકન દેશોએ પણ ચાઈનાથી દૂરી બનાવી લીધી છે અને હવે તેઓ પણ ભારત તરફ વેપાર માટે આકર્ષિત થયા છે.. તેમાં પણ ભારતની મશિનરી દ્વારા યુગાન્ડામાં જ ઉદ્યોગ સ્થાપિત કરી ત્યાંની સરકાર રોજગારી ઉભી કરવા માગે છે. એટલે કે, આફ્રિકન દેશોનું ભારત તરફી વલણ ભારતના ઉદ્યોગો માટે પણ એક મોટી તક છે.. 

યુગાન્ડાનું ડેલિગેશન રાજકોટની મુલાકાત
કોરોના બાદ ન માત્ર ભારત અને આફ્રિકન દેશો. પરંતુ વિશ્વના અનેક દેશોએ ચાઈના સાથે સંબંધો કાપી નાખ્યા છે.. તેવામાં ચાઈનાને ફટકો તો પડ્યો જ છે.. ખાસ કરીને ભારતમાં વેપાર બંધ થતા સૌથી મોટો ઝટકો લાગ્યો છે. બીજી તરફ હવે ભારતે પણ આત્મનિર્ભર ભારતનું મિશન શરૂ કર્યું છે. તેવામાં આફ્રિકન દેશોનું ભારત તરફનું આકર્ષણ વેપાર ક્ષેત્રે ખુબ મોટી સિદ્ધિ સફળતા ગણી શકાય.