રાજકોટમાં ટીપરવાનના ચાલકો હડતાળ પર ઉતર્યા છે. પગાર વધારાની માગને લઈને ટીપર વાનના ચાલકો હડતાળ પર ઉતર્યા છે. સેન્ટ્રલ ઝોનમાં ટીપરવાન ચાલકો હડતાળ પર છે. હડતાળને પગલે 100 ટીપવાનના પૈંડા થંભ્યા છે. હડતાળને પગલે રાજકોટ મ્યુનિસિપલના અધિકારીઓ ઘટનાસ્થળે પહોંચ્યા છે.
આ ઘટના મામલે મળતી વિગત અનુસાર રાજકોટમાં ઘરે- ઘરેથી કચરો એકત્રીત કરવા માટે સ્થાનિક મ્યુ. કોર્પોરેશન દ્વારા ટીપરવાન ચલાવવાનો અને કચરો એકત્રીત કરવા માટે અમદાવાદથી પાવર લાઈન નામની એજન્સીને કોન્ટ્રાકટ આપવામાં આવ્યો છે.
ત્યારે આ કંપની દ્વારા લાંબો સમય સુધી પૈસા નહીં ચૂકવાતા આજરોજ એક સાથે સેન્ટ્રલ ઝોનમાં ટીપરવાન ચાલકો હડતાલ પર ઉતરી આવ્યા હતા.
જો કે આ મામલે રાજકોટ મનપાના અધિકારીઓ ઘટનાસ્થળે દોડી આવ્યા હતા અને ટીપરવાન ચાલકોના પ્રશ્નોને સાંભળ્યા હતા. જો કે સેન્ટ્રલ ઝોનમાં વ્યવસ્થા જળવાઇ રહે તે માટે અન્ય વ્યવસ્થા પણ કરવામાં આવી હતી અને આ હડતાલ સમેટાય તે દિશામાં પ્રેયાસો હાથ ધરાવામાં આવતા અંતે બપોર સુધીમાં સેન્ટ્રલ ઝોનમાં ટીપરવાન ચાલકોએ તંત્રની વાત માનીને હડતાલ સમેટી લીધી હતી.