VIDEO: મેટોડા GIDCમાંથી બોંમ્બ મળી આવતા વાતાવરણમાં ફેલાયો ભયનો માહોલ

રાજકોટ: શહેરના મેટોડા GIDCમાંથી બોમ્બ મળી આવતા સમગ્ર વિસ્તારમાં અફરાતફરી મચી છે. બોમ્બની જાણ પોલીસને થતા લોધિકા પોલીસનો મોટો કાફલો ઘટના સ્થળે પહોંચ્યો છે. તો આ સિવાય બોમ્બ સ્ક્વોડની ટીમ પણ ઘટના સ્થળે પહોંચી છે અને આગળની કાર્યવાહી હાથ ધરી છે. 

ઉલ્લેખનીય છે કે રાજ્યના મુખ્યપ્રધાન વિજય રૂપાણી હાલ રાજકોટની મુલાકાતે છે ત્યારે આજરોજ મેટોડા ખાતે આવેલ શહેરની જાણીતી GIDCમાંથી એક બોંમ્બ પડ્યો હોવાની જાણકારી મળતા સ્થાનિક પોલીસ કાફલો અને બોમ્બ સ્ક્વોડ તાત્કાલિક અસરથી ઘટના સ્થળે પહોંચી હતી.
 

#Rajkot મેટો઼ડા GIDCમાં બોંબ મળી આવ્યો ચકાસણી માટે પોલીસ કાફલો મેટોડા દોડી ગયો@CMOGuj રાજકોટમાં હોવાથી ગંભીરતાને ધ્યાને લઇ પોલીસ તંત્ર હરકતમાં SP અને BDS ટીમ મેટોડા GIDCમાં દોડી ગયા#BOMB pic.twitter.com/jcZFSTinRu

— VTV Gujarati News (@VtvGujarati) July 15 2018

આ મામલે પોલીસે પ્રાથમિક તપાસ હાથ ધરી હતી. ત્યારે હવે આ મામલે પોલીસે ખુલાસો કર્યો છે આ નકલી બોમ્બ છે. કોઈ શખ્સે પ્રતિકૃતિ દ્વારા બોમ્બ બનાવ્યો હતો.

આપને જણાવી દઇએ કે બોમ્બ મળી આવ્યાની વાતથી પોલીસ તંત્રમાં દોડધામ મચી જવા પામી હતી. પોલીસે આ વાતની સૂચના રાજકોટ બોમ્બ સ્ક્વોડને આપી હતી. તત્કાળ રાજકોટ બોમ્બ સ્ક્વોડને ઘટનાસ્થળે રવાના કરવામાં આવી હતી.
 

Gujarat: A bomb has been found in Metoda Village of Rajkot district. Police and bomb disposal squad are present at the spot. More details awaited. pic.twitter.com/q61zvwBxPk

— ANI (@ANI) July 15 2018

બોમ્બ હોવાની વાતને પગલે GIDCનો અમુક વિસ્તાર ખાલી કરાવવામાં આવ્યો હતો. રાજ્યના મુખ્યમંત્રી હાલ રાજકોટની મુલાકાતે છે ત્યારે જ બોંબ મળી આવાતા અનેક સવાલો ઉભા થયા હતા. બોમ્બ હોવાની વાત વાયુવેગે પ્રસરતા લોકોના ટોળે-ટોળે જોવા ઉમટી પડતા પોલીસે વિસ્તાર ખાલી કરાવ્યો હતો.