રાજકોટના જૂના માર્કેટિંગ યાર્ડમાં મગફળીની ખરીદી શરૂ થઈ ગઈ છે. રાજકોટ જિલ્લામાં 9 સેન્ટરો અને 11 તાલુકાઓ પર મગફળીની ખરીદી શરૂ કરી દેવામાં આવી છે.
અત્યાર સુધી માત્ર 1488 મેટ્રિક ટન મગફળીની ખરીદી કરવામાં આવી છે. મહત્વનું છે કે ચાલુ વર્ષે રાજકોટ જિલ્લામાં 1 લાખ 38 હજાર હેક્ટરમાં મગફળીનું વાવેતર થયું છે. ત્યારે 17 હજાર ખેડૂતોના રજીસ્ટ્રેશન સામે 749 ખેડૂતોની મગફળીની ખરીદી કરવામાં આવી છે.
રાજકોટમાં માર્કેટિંગ યાર્ડ ખાતે ખેડૂતોનો હોબાળો
મગફળીની ખરીદી શરૂ ન થતા ખેડૂતોએ હાઈવે ચક્કાજામ કર્યો હતો. મોટી સંખ્યામાં ખેડૂતો હાઈવે પર ઉભા રહી ગયા હતા. વહેલી સવારથી ખરીદી માટે લાઇનમાં ઉભા હતા.
આપને જણાવી દઇએ કે રાજકોટના જુના માર્કેટિંગ યાર્ડ ખાતે રહેલો મગફળીના જથ્થામાં આગ ભભૂકી ઉઠતા પ્લેટફોર્મ પર રાખવામાં આવેલા મગફળીના બારદાનના જથ્થામાં ભીષણ આગ લાગતા અફરાતફરીનો માહોલ સર્જોયો હતો.
આગ લાગવાની ઘટનાની માહિતી મળતા જ રાજકોટ શહેરના ફાયરબ્રિગેડના ફાયર ફાઇટરો દોડી ઘટના સ્થળે પહોંચી ગયા હતા. આ ઘટનાને પગલે મોટા પ્રમાણમાં રહેલ મગફળીનો જથ્થો બળીને ખાખ થઇ ગયો હતો.
ત્યારે આજથી ફરીવાર જૂના માર્કેટિંગ યાર્ડમાં મગફળીની ખરીદી શરૂ થતાં ખેડૂતોમાં ખુશીનો માહોલ જોવા મળ્યો હતો. અત્રે ઉલ્લેખનીય છે કે અત્યાર સુધી માત્ર 1488 મેટ્રિક ટન મગફળીની ખરીદી કરવામાં આવી છે