સૌરાષ્ટ્રમાં આજથી સૌરાષ્ટ્ર પ્રિમીયર લીગનો પ્રારંભ થવા જઈ રહ્યો છે. રાજકોટના ખંઢેરી સ્ટેડિયમમાં આજથી સૌરાષ્ટ્ર પ્રિમીયર લીગનો પ્રારંભ થશે. ત્યારે સીએમ રૂપાણીના હસ્તે આ સૌરાષ્ટ્ર પ્રિમીયર લીગનો પ્રારંભ કરાવશે.
સાંજે સાડા છ વાગે સીએમ રૂપાણીના હસ્તે ઉદ્ઘાટન કરવામાં આવશે. ઉલ્લેખનીય છે કે, પહેલીવાર સૌરાષ્ટ્ર પ્રિમીયર લીગનો પ્રારંભ થવા જઈ રહ્યો હોવાથી યુવકોમાં અને ક્રિકેટ રસિકોમાં પણ ભારે ઉત્સાહ જોવા મળી રહ્યો છે. તો ક્રિકેટ લીગને લઈને પૂરતી વ્યવસ્થા પણ કરી દેવામાં આવી છે અને સીએમ રૂપાણી આવવાના હોવાથી પૂરતા પ્રમાણમાં બંદોબસ્ત પણ ગોઠવી દેવામાં આવ્યો છે.
તમને જણાવી દઇએ કે, આ ટુર્નામેન્ટના પ્રથમ મેચમાં કેપ્ટન અર્પિત વસાવડા,વાઈસ કેપ્ટન હારવિક દેસાઈની હાલાર હીરોઝ સામે કેપ્ટન જયદેવ ઉનડકટ અને વાઈસ કેપ્ટન અગ્નિવેશ અયાસીની કચ્છ વોરિયર્સ ટકરાશે. દર્શકો આ ટુર્નામેન્ટ વિનામુલ્યે નિહાળી શકશે. મેચનું જીવંત પ્રસારણ સ્ટાર સ્પોર્ટસ અને હોટસ્ટાર પર થશે.
આ ટુર્નામેન્ટ મીની આઈપીએલ જેવવી છે. જેમાં ચીયર્સ લીડર્સ,ડીજે મ્યુઝિક બધ્ધુ જ હશે. ટુર્નામેન્ટમાં ટીવી કોમેન્ટેટર તરીકે એલેસ્ટર કેમ્મ્પબેલ,ઓવેશ શાહ,શીશીર હટગંડી અને અજય મહેરા રહેશે.તા.૧૫મીએ સાંજે ૭/૩૦ વાગે સોરઠ લાયન્સ અને ઝાલાવડ રોયલ્સ ટકરાશે.