રાજકોટ: ધોરાજી નજીક SOGના દરોડા 74 હજારની નકલી નોટ સાથે 5 ઝડપાયા

રાજકોટ: ધોરાજીમાંથી નકલી ચલણી નોટ ઝડપાઇ છે. છાડવાવદરની ગૌશાળા પાસેથી નકલી ચલણી નોટો ઝડપાઇ છે. 2000ના દરની 36 નોટ 500ની 4 નકલી નોટ ઝડપાઇ છે.

ક્રાઇમબ્રાંચે રૂપિયા 74 હજારની નકલી ચલણી નોટો ઝડપી છે. કુલ 11 આરોપીઓના નામ ખુલ્યા છે. 5 શખ્સો ઝડપાયા છે. SOGએ 6 શખ્સોની શોધખોળ હાથ ધરી છે.

આ ઘટના મામલે મળતી જાણકારી અનુસાર રાજકોટ SOGને ધોરાજીના છાડવાવદરની ગૌશાળા નજીક નકલી ચલણી નોટો હોવાની બાતમી મળી હતી. આ બાતમીના આધારે SOGએ છટકું ગોઠવતા 2000ના દરની 36 નોટ 500ના દરની 4 નકલી નોટ સહિત આશરે રૂપિયા 74 હજારનો મુદ્દામાલ ઝડપાયો હતો.

રાજકોટ ક્રાઇમ બ્રાન્ચે નકલી નોટો સાથે 5 લોકોની તાત્કાલિક અસરથી અટકાયત કરી પૂછપરછ હાથ ધરી હતી. આ પૂછપરછમાં અન્ય 6 નામ ખુલતા પોલીસ પણ અચંબામાં મુકાઇ ગઇ હતી. આ ઘટનાનો પોલીસે ગુનો નોંધીને અન્ય છ આરોપીઓને ઝડપી લેવા માટે તપાસ હાથ ધરી છે.