રાજકોટમાં જૂની ચલણી નોટો ઝડપાઈ છે. રૂપિયા 1.69 કરોડથી વધુની જૂની ચલણી નોટો કબજે કરવામાં આવી છે. જેમાં એક હજારના દરની જૂની 7185 નોટો અને 500ના દરની 19485 નોટો કબજે કરવામાં આવી છે. પોલીસે આ મામલે 2 શખ્સની ધરપકડ કરી છે. જેમાં એક શખ્સ રાજકોટનો અને બીજો શખ્સ જૂનાગઢનો હોવાનું ખુલ્યું છે. હાલ પોલીસે તમામ નોટો કબજે કરી વધુ તપાસ હાથ ધરી છે.
ઉલ્લેખનીય છે કે આ પહેલા ભાવનગર ખાતેથી નકલી નોટના કારોબારનો પર્દાફાશ થયો છે. SOG પોલીસ અને વલ્લભીપુર પોલીસે અયોધ્યાપુરમ નજીકથી નકલી નોટ સાથે ફિલ્મીઢબે બે આરોપીને ઝડપી લીધા છે. રૂ 9.67 લાખની કિંમતની રૂ 500 અને 2 હજારના ચલણી દરની નોટ સાથે આરોપીઓને સકંજામાં લીધા છે.
તાજેતરમાંથી જ સુરેન્દ્રનગર જિલ્લાના સાયલા ગામેથી LCB દ્વારા સરકાર દ્વારા બંધ કરવામાં આવેલ જૂની ચલણી નોટો સાથે એક શખ્સને ઝડપી પાડવામાં આવ્યો હતો.
તેની પાસેથી રૂ.1૦૦૦ અને 5૦૦નાં દરની ફુલ 9.92 લાખની જૂની ચલણી નોટો સાથે એક શખ્સ ઝડપાયો હતો ત્યારે આજરોજ રાજકોટ ખાતેથી સરકાર દ્વારા બંધ કરવામાં આવલે ચલણી નોટો ઝડપાતા પોલીસે કાયદેસરની કાર્યવાહી હાથ ધરી હતી.