સૌરાષ્ટ્ર યુનિવર્સિટીના પ્રોફેસર હરેશ ઝાલાની ઓડિયો ક્લિપ વાયરલ થવાના મામલે હજુ સુધી કોઈ ઠોસ પગલા લેવામાં આવ્યા નથી. હરેશ ઝાલા સામે તપાસ ન કરવામાં આવતા અનેક સવાલ થયા છે. મહિલા શોષણના કેસમાં ઢીલી તપાસ કરીને પ્રોફેસરને બચાવવાના પ્રયાસ કરવામાં આવી રહ્યા છે.
મહિલા શોષણના કેસમાં ઢીલી તપાસ કરીને પ્રોફેસરને બચાવવાના પ્રયાસ
સૌરાષ્ટ્ર યુનિવર્સિટી દ્વારા તપાસ માટે સાયબર ક્રાઈમમાં અરજી કરવામાં આવી હતી. હરેશ ઝાલા સામે હજુ સુધી કોઈ ઠોસ તપાસ કરવામાં આવી નથી. પ્રોફેસર ઝાલાની ઓડિયો ક્લિપ વાયરલ થયા બાદ હજુ સુધી માત્ર કાગળ પર જ તપાસ થઈ રહી છે.
ઓડિયો ક્લિપ મામલે હજુ સુધી યુનિવર્સિટી દ્વારા તપાસ કરવામાં આવી નથી. ઓડિયો ક્લિપ વાયરલ થયાને એક મહિનો વિત્યા બાદ પણ યુનિવર્સિટીએ પગલા ન લેતા અનેક સવાલ થયા છે.
સળગતા સવાલ
યુનિવર્સિટીના સત્તાધીશોને પ્રોફેસર સામે પગલા લેવામાં રસ નથી?
શું હરેશ ઝાલા કોઈ રાજકીય વગ ધરાવે છે?
રાજકીય વગ હોવાના કારણે પ્રોફેસર સામે પગલા નથી લેવાતા?
જો પ્રોફેસર સાચા છે તો, મીડિયા સમક્ષ કેમ આવતા નથી?
એક મહિનો વિત્યા બાદ પણ કેમ નથી થઈ પોલીસ ફરિયાદ?
ઓડિયો કોનો તેને લઈને પણ હજુ કેમ સ્પષ્ટતા કરાઈ નથી?