આરોપ / રાજકોટના સતાધાર મહંત વિજયબાપુએ નરેન્દ્ર સોલંકી પર કરેલા આરોપોનો વિવાદ વધુ ઉગ્ર બન્યો

રાજકોટના સતાધાર મહંત વિજયબાપુએ નરેન્દ્ર સોલંકી પર કરેલા આરોપોનો વિવાદ વધુ ઉગ્ર બન્યો છે. નરેન્દ્ર સોલંકીએ વિજયબાપુ પર વળતો પ્રહાર કર્યો છે તેમજ ગીતાબેન અને વિજયભગતનો ગરબા સમયે એકબીજા સામે ઈશારા કરતો વીડિયો જાહેર કર્યો છે. સતાધારના દરેક કાર્યક્રમોમાં ગીતાબેનની હાજરીના વીડિયો પણ જાહેર કર્યા છે. ત્યારે હવે વિવાદ વધુ વકર્યો છે.

''સત્તાધારને બદનામ કરવામાં ચંડાલ ચોકડી કોણ છે તે જાહેર કરો''

તેમણે કહ્યું કે, ''મારી અને વિજય ભગતની શારીરિક તપાસ કરવામાં આવે તેમજ ગીતાબેનની પણ શારીરિક તપાસ કરવામાં આવે. સત્તાધારને બદનામ કરવામાં ચંડાલ ચોકડી કોણ છે તે જાહેર કરો'' વધુમાં કહ્યું કે, ''વિજય ભગત અને ગીતાબેન સિવાય બીજા બે કોણ છે તે જાહેર કરો'' તેમજ ગીતાબેન કોણ છે તેનું સત્ય જાહેર કરવામાં આવે તેવી નરેન્દ્ર સોલંકીએ માગ કરી છે. ઉલ્લેખનીય છે કે, નરેન્દ્ર સોલંકીએ વિજયબાપુની નિયમ પ્રમાણે તિલક વિધિ ન થઇ હોવાનો પણ દાવો કર્યો છે.

અગાઉ પણ નરેન્દ્ર સોલંકીએ પત્ર લખ્યો હતો

થોડા દિવસ અગાઉ સતાધાર વિવાદ મામલે આપાગીગા સ્થળના મહંત નરેન્દ્ર સોલંકીએ પત્ર લખ્યો હતો. આ પત્રમાં સતાધારમાં જે ટ્રસ્ટીની જગ્યા ખાલી છે ત્યાં તેમની નિમણૂકની માંગણી કરી હતી. નરેન્દ્ર સોલંકીએ પત્રમાં દાવો કરતા કહ્યું હતું કે, સતાધાર ગાદીનો હું સીધો વારસદાર છું. એવામાં મેં કોઈ દિવસ ગાદી માટે વિવાદ કર્યો નથી. વિજય ભગત પર ચારિત્ર્યના આક્ષેપો થયા છે. તો તેમને આ મામલે જવાબ આપવો જોઈએ. હાલ મેં વિજય ભગત અને ગીતાબેનને આ પત્ર લખીને જવાબ આપવા માટે કહ્યું છે. જો તેઓ પત્રનો જવાબ નહીં આપે તો આગામી દિવસોમાં વિજય હટાવો આંદોલન કરવામાં આવશે. આ પત્રમાં નરેન્દ્ર સોલંકીએ ચીમકી આપતાં કહ્યું કે, જો મારા પત્રનો જવાબ આપવામાં નહીં આવે તો આગામી દિવસોમાં હું આ મામલે વધારે ખુલાસા કરીશ.

આ પણ વાંચો: ટિકિટ આપી નહીં છતાં લોકો પાસે પહોંચી! અમદાવાદ ફ્લાવર શૉમાં AMC સાથે ખેલ થયો

વિવાદ આગામી દિવસમાં વધુ ઉગ્ર બને તેવા એંધાણ

તમને જણાવી દઇએ કે છેલ્લા બેથી ત્રણ મહિનાથી સતાધાર ગાદીનો વિવાદ ચરમસીમાએ જોવા મળી રહ્યો છે. એવામાં હવે આપાગીગા ઓટલાના મહંત નરેન્દ્ર સોલંકીએ આ વિવાદ અંગે પોતાનું મૌન તોડ્યું. તેવામાં આ વિવાદ આગામી દિવસમાં વધુ ઉગ્ર બને તેવા એંધાણ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ