રાજકોટ શહેરમાં સ્વચ્છતાનો સંદેશ ઘર ઘર સુધી પહોંચે તે માટે મહાનગરપાલિકા દ્વારા રાજકોટ શહેરની સરકારી અને ખાનગી શાળાઓમાં સ્પેશિયલ ટ્રેઇનર દ્વારા તાલીમ આપ્યા બાદ સ્વચ્છતા પરીક્ષા લેવામાં આવી હતી આજ રોજ રાજકોટની 423 શાળાના 68000થી વધુ વિદ્યાર્થીઓ એ આ પરીક્ષા આપી હતી અને ઇન્ડિયા બુક ઓફ રેકોર્ડ સ્થાન પ્રાપ્ત કર્યું હતું.
દેશના 100 સ્માર્ટ શહેરોની પસંદગીમાં રાજકોટ શહેરની પસંદગી થયા બાદ રાજકોટ મનપા દ્વારા મિશન સ્માર્ટ સીટી અને સ્વચ્છ ભારત મિશન અંતર્ગત અલગ અલગ પ્રયાસો હાથ ધરવામાં આવે છે. સ્વચ્છતા સંદેશ શહેરના ઘર ઘર સુધી પહોંચે તે માટે મનપા દ્વારા સ્પેશિયલ ટ્રેઇનર મદદથી રાજકોટની સરકારી અને ખાનગી મળી કુલ 423 શાળામાં સ્વચ્છતા અંગે માહિતી આપવામાં આવી હતી.
ભારત સરકારના મિનિસ્ટ્રી ઓફ હાઉસિંગ એન્ડ અર્બન અફેર્સ ડિપારમેન્ટ તરફથી સ્વચ્છતા અને તેના સિદ્ધાંતો અંગે તાલીમ આપવામાં આવી હતી જેની આજ રોજ ભારતમાં પ્રથમ વખત પરીક્ષા યોજવામાં આવી હતી. રાજકોટ શહેરમાં એક સમયે 68000થી વધુ વિદ્યાર્થીઓ સ્વચ્છતા પરીક્ષા આપતા ઇન્ડિયા બુક ઓફ રેકોર્ડ મા સ્થાન મળ્યું હતું.
રાજકોટ મહાનગર પાલિકાના સ્પેશિયલ ટ્રેઈનર દ્વારા પ્રથમ શાળાના શિક્ષકોને તાલીક્મ આપવામાં આવી હતી અને ત્યારબાદ શિક્ષકો દ્વાર સ્વચ્છતા અંગે તૈયાર કરવામાં આવેલ ૪૦ પેઈજની બુકમાંથી વિદ્યાર્થીઓને જ્ઞાન આપવામાં આવ્યું હતું.
આ પુસ્તક ની અંદર સુકો અને ભીનો કચરો કેવી રીતે રાખવો ગાર્બેજ સીસ્ટમ કેવી રીતે કાર્ય કરે છે કચરો ડસ્ટબિન અંદર જ નાખવો જોઈએ તેવા વિવિધ જ્ઞાન આપવામાં આવ્યા હતા. સતત ૩ મહિના સુધ આ પુસ્તકનું જ્ઞાન વિદ્યાર્થીઓને આપ્યા બાદ આજે પરીક્ષા લેવામાં આવી હતી.
આ તાલીમ થી વિદ્યાર્થીઓ અને નાના બાળકોમાં સ્વચ્છતા અંગે જાગૃતિ આવતી હોવાથી શિક્ષકો અને બાળકોએ આ વાતને આવકારી હતી. જો વિદ્યાર્થીનું માનીએ તો આજની પરીક્ષાનું પેપર સહેલું હતું અને આવી પરીક્ષા સમયાન્તરે લેવાવી જોઈએ તેવું વિદ્યાર્થીઓનું માનવું છે.
સ્વચ્છ શહેરની પ્રથમ યાદીમાં રાજકોટ ટોપ ટેનમાં સ્થાન મેળવ્યું હતું પરંતુ બાદમાં રાજકોટ સ્વચ્છતામાં પાછળ ધકેલાય ગયું હતું. રાજકોટ શહેર સ્વચ્છ અને સ્વસ્થ રહે તે માટે મનપા દ્વારા અવનવા પ્રયોગ કરતી હોય છે ત્યારે ઘર ઘર સુધી સ્વચ્છતા સંદેશ પહોચે તે માટે શાળામાં વિદ્યાર્થીઓને પુસ્તક આપી સ્વચ્છતા જ્ઞાન આપી અનોખો પ્રયોગ કરવામાં આવ્યો છે. જેની પરીક્ષા પણ લેવામાં આવી હતી અને તેની ઇન્ડિયા બુક ઓફ રેકોર્ડ દ્વારા નોંધની કરવામાં આવી હતી.