રાજકોટઃ સોની બજારમાં યુવતી પાસેથી 5.30 લાખની લૂંટ મામલે ભેદ ઉકેલાઈ ગયો છે. યુવતીએ તેના મિત્રને આર્થિક મદદ કરવા માટે આ નાટક રચ્યું હોવાનું સામે આવ્યું છે.
પોલીસ પૂછપરછમાં યુવતીના આ સમગ્ર નાટકનો ભાંડો ફુટી ગયો હતો. યુવતીએ તેના કાકા પાસે રૂપિયા માગ્યા હતા. જેથી તેના કાકાએ આંગડિયા દ્વારા 5.30 લાખ રૂપિયા મોકલ્યા હતા. જે રૂપિયા લેવા માટે યુવતી અને તેનો ભાઈ ગયો હતો.
આ દરમિયાન યુવતીએ તેના ભાઈને કહ્યું કે એક્ટિવાની ચાવી ખોવાઈ ગઈ છે. જેથી યુવતીનો ભાઈ ચાવી બનાવવા માટે ગયો હતો. તે દરમિયાન યુવતીએ તેના મિત્રને રૂપિયા આપી દીધા હતા. બાદમાં હાથમાં બ્લેડના ચેકા મારીને બે શખ્સોએ માર મારીને લૂંટ ચલાવી હોવાનું નાટક રચ્યું હતું.
જોકે પોલીસ પૂછપરછમાં યુવતી ભાંગી પડી. સત્ય બહાર આવ્યું હતું.
મહત્વનું છે કે રાજકોટમાં રૂ. 5.30 લાખની થયેલ લૂંટની ઘટનાના મામલે CCTV ફૂટેજ સામે આવ્યા છે. જ્યાં CCTVમાં સ્પષ્ટ દેખાઈ છે કે યુવતી તેના મિત્રને પૈસા આપતી નજરે પડી હતી.
પરંતુ લૂંટની ઘટના યુવતીએ ઉપજાવી કાઢી હોવાની શક્યતા છે. લૂંટના મામલે પોલીસે યુવતીની પ્રેસ કોન્ફરન્સ કરી હતી.