આજથી તમારે પેકેજ્ડ અને લેબલવાળા દહીં, પનીર, લસ્સી અને રોજિંદા ઉપયોગની આવશ્યક વસ્તુઓની કિંમતો પર આજથી વધુ GST ચૂકવવો પડશે
આજથી રાજકોટવાસીઓને પડશે મોંઘવારીનો માર
છાસ અને લસ્સીમાં 1 રૂપિયાનો વધારો, દહીંમાં રૂપિયા 3નો વધારો
500 ML છાસના આજથી 11 રૂ., લસ્સી પેકના રૂ.16માં મળશે
રાજકોટ અને ગુજરાત અને દેશમાં સતત વધતી જતી મોંઘવારી વચ્ચે આજથી તમારું ખિસ્સું ઢીલું થવાનું છે. હવે તમારે પેકેજ્ડ અને લેબલવાળા દહીં, પનીર, લસ્સી અને રોજિંદા ઉપયોગની આવશ્યક વસ્તુઓની કિંમતો પર આજથી વધુ GST ચૂકવવો પડશે. ગયા મહિને યોજાયેલી બેઠકમાં GST કાઉન્સિલે વિવિધ ઉત્પાદનો પરના GST દરોમાં ફેરફાર કર્યો છે.
રાજકોટ સહકારી ડેરીના દૂધ ઉત્પાદનો આજથી થશે મોંઘા
રાજકોટ સહકારી ડેરીના દૂધ ઉત્પાદનો હવે આજથી મોંઘા થઈ જશે. ગયા મહિને યોજાયેલી બેઠકમાં GST કાઉન્સિલે વિવિધ ઉત્પાદનો પરના GST દરોમાં ફેરફાર કર્યા હતા. જે બાદમાં હવે રાજકોટ સહકારી ડેરીમાં છાસ અને લસ્સીમાં રૂપિયા 1નો ભાવવધારો કરાયો છે. આ સાથે દહીંમાં રૂપિયા 3નો ભાવ વધારો કરાયો છે. જેને લઈ હવે 500 ML છાસ આજથી રૂપિયા 11માં અને લસ્સી પેક પણ આજથી રૂપિયા 16માં મળશે. આ સાથે દહીં પ્રતિ કિલો રૂપિયા 67માં મળશે.
GST કાઉન્સિલે શું ફેરફારો કર્યા ?
ગયા મહિને યોજાયેલી બેઠકમાં GST કાઉન્સિલે વિવિધ ઉત્પાદનો પરના GST દરોમાં ફેરફાર કર્યો છે. આ અંતર્ગત હવે દહીં, લસ્સી, પનીર, મધ, અનાજ, માંસ અને માછલીની ખરીદી પર 5 ટકા GST ચૂકવવો પડશે. આ સિવાય અન્ય વસ્તુઓના GST સ્લેબમાં પણ ફેરફાર કરવામાં આવ્યા છે. પેકેજ્ડ અને લેબલવાળા દહીં, લસ્સી, પનીર, મધ, અનાજ, માંસ અને માછલીની ખરીદી પર 5 ટકા GST વસૂલવામાં આવશે.