કૌભાંડ / રાજકોટમાં રેમડેસિવીર ઇન્જેકશન કૌભાંડ મામલે ક્રાઇમ બ્રાંચે એજન્સીના સંચાલકની કરી ધરપકડ

• રાજકોટમાંથી રેમડેક ઇન્જેક્શનના બીજુ કૌભાંડ ઝડપાયું
• ક્રાઇમ બ્રાન્ચે ન્યૂ આઇડિયલ એજન્સીના સંચાલકની ધરપકડ
• જામનગર રોડ પરના આનંદ ક્લીનિકના નામે બનાવ્યા હતા બોગસ બિલ

પ્રાપ્ત મળતી વિગત અનુસાર ગઇકાલે રાજકોટમાંથી રેમડેસિવીર ઇન્જેકશનનું બીજુ કૌભાંડ સામે આવ્યું હતું. શહેરની ન્યૂ આઇડિયલ એજન્સી દ્વારા બોગલ બીલ બનાવાને લઇને વિગત સામે આવી હતી. 

જો કે ક્રાઇમ બ્રાંચે રેમડેસિવીર ઇન્જેકશન કૌભાંડ મામલે ન્યૂ આઇડિય એજન્સીના સંચાલક પરેશ ઝાલાવાડિયાની ધરપકડ કરી છે. એજન્સી દ્વારા જામનગર રોડ પરના શેઠનગર પર આવેલી આનંદ ક્લીનિકના નામે બોગલ  બિલ બનાવ્યાં હતા. 

આ અંગેની ડો.  આનંદ ચૌહાણે ક્રાઇમ બ્રાંચમાં ફરિયાદ નોંધાવી છે. જેમાં Remdac 100 MGમાં 24 નંગનું બિલ બનાવ્યું હતું. જેમાં 46,473 રૂપિયાનું બોગલ બિલ બનાવ્યું હતું. શહેરમાં કૃત્રિમ અછત ઉભી કરી કાળાબજારી કરતા હોવાનું  સામે આવ્યું છે.