અકસ્માત / રાજકોટ: સેલ્ફી લેવા જતા તળાવમાં ડુબી જવાથી 3ના મોત, 2નો આબાદ બચાવ

• ફાયરબ્રિગેડની ટીમે 2 યુવતીઓને બચાવી
• 2 યુવકના મૃતદેહ બહાર કાઢવામાં આવ્યા
• ચારેયને બચાવવા પડેલા વ્યકિતનું પણ મોત

રાજકોટમાં તળાવમાં ડૂબી જતા 3 યુવકોના મોત થયા છે. જેમાંથી બે યુવકના મૃતદેહ મળી આવ્યા છે જ્યારે એક યુવકનો મૃતદેહ હજુ સુધી મળ્યો નથી. હજુ એક યુવકની શોધખોળ  હાથ ધરી છે. યુનિવર્સિટી પોલીસે આ મામલે પંચનામાની કાર્યવાહી હાથ ધરી છે.

શું હતી ઘટના

સેલ્ફી લેવા જતા 2 યુવક અને 2 યુવતી ડૂબ્યા હતા જેમને બચાવવા માટે એક વ્યક્તિએ તળાવમાં ઝંપલાવ્યું હતુ. આ દરમિયાન ફાયરબ્રિગેડની ટીમ ઘટના સ્થળે આવી પહોંચી હતી જેમણે બે યુવતીઓને બચાવી લીધી હતી અને 2 યુવકના મૃતદેહને બહાર કાઢ્યો હતો પરંતુ એક યુવકનો મૃતદેહ હજુ સુધી મળ્યો નથી.