ગોંડલમાં સ્ટેટ GST વિભાગના દરોડા બોગસ પેઢી ચલાવતા 2 લોકો સામે કરી કાર્યવાહી

રાજકોટ: ગોંડલમાં સ્ટેટ GST વિભાગ દ્વારા દરોડા પાડવામાં આવ્યા છે. આ દરમિયાન બોગસ બીલિંગનું કૌભાંડ સામે આવ્યું છે. 2 વ્યક્તિઓ મળીને બોગસ પેઢી ચલાવતા હોવાનું સામે આવ્યું છે. 2 વ્યક્તિઓ દ્વારા મળીને બે હજાર કરોડના બોગસ બિલનું કૌભાંડ આચરવામાં આવ્યું છે.

આ બન્ને વ્યક્તિઓ મળીને ઐયર ઈન્ટરપ્રાઇઝ નામની પેઢીના નામથી બોગસ બનાવ્યા હતા. પેઢીના નામથી સંખ્યાબંધ બોગસ બિલ ઈસ્યુ કરવામાં આવ્યા હતા. આ સાથે જ આ બન્ને લોકોએ અત્યાર સુધી કંપનીનું ટેક્સ પણ ભર્યુ નથી. જ્યારે બજારમાં ખોટી ક્રેડિટ ઉભી કરી હતી. સ્ટેટ GST વિભાગે ગોંડલ ગાંધીધામ મુંદ્રા અમરેલીની 53 પેઢીમાં તપાસ હાથ ધરીને કાર્યવાહી હાથધરી છે.

આપને જણાવી દઇએ કે આ પહેલા પણ ગોંડલમાંથી GST વિભાગે ઈ-વે બીલ કૌભાંડ ઝડપી પાડ્યુ છે. સ્ટેટ GST વિભાગે 19 વેપારી અને 4 ટ્રાન્સપોર્ટરોના ત્યાં કાર્યવાહી હાથ ધરી હતી. GST વિભાગે ગોંડલ રાજકોટ મોરબી મુંદ્રા સહિત રાજ્યભરમાં દરોડા પાડ્યા હતા. આ દરમિયાન ગોંડલની 8 પેઢીના એક જ સ્થળના રજિસ્ટ્રેશન મળી આવ્યા હતા.