રાજકોટમાં ડેકોરા બિલ્ડર્સને ત્યાં ઈન્કમટેક્સ વિભાગે દરોડા પાડ્યા છે. બિલ્ડર્સ જમન પટેલને ત્યાં ઈન્કમટેક્સ વિભાગે દરોડા પાડ્યા છે. મોડી રાતથી દરોડાની કાર્યવાહી હાથ ધરાઈ છે. જમન પટેલ રાજકોટના મોટા ઉદ્યોગપતિ છે. જમન પટેલના ભાગાદારોને ત્યાં પણ ઈન્કમટેક્સ વિભાગે સર્ચ ઓપરેશન હાથ ધર્યું.
ઉપરાંત ભાગીદાર કુલદીપ રાઠોડના ઘરે પણ ઈન્કમટેક્સ વિભાગે સર્ચ કર્યું છે. કુલદીપ રાઠોડ રાજકોટ શહેર યુથ કોંગ્રેસ પ્રમુખ જયપાલસિંહ રાઠોડનો પિતરાઈ ભાઈ છે. તો ચુડાસમા અને ચેન રોકડના ઘરે પણ ઈન્કમટેક્સ વિભાગ દ્વારા દરોડા પાડવામાં આવ્યા છે.
ઉલ્લેખનીય છે કે રાજકોટમાં આજરોજ એકસાથે જાણીતા બિલ્ડર્સ સહિત 18 સ્થળો પર દરોડા પાડવામાં આવતા અન્ય વેપારી આલમમાં પણ ફફડાડ ફેલાયો હતો.
ઇન્કમટેક્સ વિભાગ દ્વારા મોડી રાતથી આ સર્ચ ઓપરેશન હાથ ધરવામાં આવ્યું હતું જેમાં બિલ્ડરોના ભાગીદારોને ત્યાં પણ દરોડા પાડવામાં આવતા મોટી બેનામી આવક બહાર આવવાની સંભાવના દેખાઇ રહી છે.
આપને જણાવી દઇએ કે છેલ્લા કેટલાક સમયથી રાજ્યના આવકવેરા વિભાગ દ્વારા ગુજરાતના અનેક મોટા માથાઓને ત્યાં સર્ચ ઓપરેશન હાથ ધરવામાં આવ્યું છે ત્યારે અમદાવાદ બાદ હવે રાજકોટમાં મોટા બિલ્ડરોને ત્યાં ગત મોડી રાતથી આવકવેરા વિભાગે દરોડા પાડ્યા છે.