રાજકોટમાં વધતા જતા વાહન ચોરીના કેસને અટકાવવા માટે પોલીસે જે વાહનોના હેન્ડલ લોર ન હતા, તે વાહનોને રાત્રીના સમયે કર્યા ડિટેઈન. લોકોએ પણ પોલીસની કામગીરીને આવકારી
રાજકોટ પોલીસની સરાહનીય કામગીરી
હેન્ડલ લોક વગરના વાહનો કર્યા ડિટેઈન
રાજકોટ વાસીઓએ લોકોના પોલીસના કર્યા વખાણ
રાજકોટ શહેરમાં છેલ્લા ઘણા સમયથી વાહનચોરીના કેસ વધી રહ્યા છે. જેના કારણે પોલીસ સામે વાહનચોરને પકડવા માટે મોટો પડકાર છે. પરંતુ બીજી તરફ લોકો પણ કોઈ પણ જગ્યાએ આડેધડ વાહનો પાર્ક કરે છે. જેના કારણે વાહનચોરોને મોકળું મેદાન મળી ગયું છે. પરંતુ તે લોકો સામે પણ પોલીસે હવે યોગ્ય પગલા ભર્યા છે.
પોલીસે કડક પગલા લીધા
વાહન પાર્કિક મુદ્દે લોકો જાગૃત થાય તે મામલે રાજકોટ પોલીસ કમિશનર મનોજ અગ્રવાલ દ્વારા કાર્યવાહી કરવા માટે કહેવામાં આવ્યું છે. જે મામલે ભક્તિનગર પોલીસ સ્ટેશન અને A ડિવિઝન પોલીસ સ્ટેશન દ્વારા કાર્યવાહી કરવામાં આવી.
હેન્ડલ લોક વગરના વાહનો ડિટેઈન કર્યા
પોલીસે જે કાર્યવાહી કરી તેમા રાત્રે જે પણ લોકોએ તેમના ઘરની બહાર વાહન તેમના વાહનોને હેન્ડલ લોક વગર પાર્ક કર્યા હતા. તેમના વાહનો પોલીસ કર્મીઓ પોલીસ સ્ટેશન લઈ ગયા પરિણામે લોકોને એવું લાગ્યું કે તેમના વાહન ચોરી થયા છે. જેથી તેઓ સવારના સમયે ઉઠતાની સાથે પોલીસ સ્ટેશનમાં ફરિયાદ નોંધવા માટે પહોચ્યા હતા.
ડિટેઈન કરેલા વાહનો પરત કર્યા
જ્યારે તેઓ પોલીસ સ્ટેશન પહોચ્યા ત્યારે પોલીસે તેમની વાત શાંતિથી સાંભળી અને પછી તેમને બહાર પડેલા બાઈક બતાવ્યા અને કહ્યું કે તમાારું જે પણ વાહન છે તે લઈ જાવ. સાથેજ પોલીસે તેમને કહ્યું કે હવેથી તમારા વાહનને બરાબર રીતે હેન્ડલ લોક મારીને પાર્ક કરજો. જેથી વાહનચોરીના બનાવો અટકાવી શકાય.
2 દિવસમાં 100 વાહનો ડિટેઈન કર્યા
ઉલ્લેખનીય છે કે છેલ્લા બે દિવસમાં રાજકોટ પોલીસ દ્વારા એવા 100 ડિટેઈન કર્યા જેમા હેન્ડલ લોક મારેલા ન હતા. જોકે જે લોકોના વાહનો પોલીસે ડિટેઈન કર્યા છે. તે લોકોએ પણ પોલીસની આ કામગીરીને આવકારી છે. સાથેજ તેઓ તેમના વાહનોને હેન્ડલ લોક મારશે તેવી તેમણે પોલીસને ખાતરી પણ આપી છે.