એલર્ટ / રાજકોટ નજીક શંકાસ્પદ શખ્સ દેખાયાની બાતમીને લઇ પોલીસે હાથ ધરી તપાસ

પોલીસને ઘટનાની જાણ કરતા મોટી સંખ્યામાં કાફલો પહોંચ્યો. જંગલ વિસ્તારમાં પોલીસની 6 અલગ અલગ ટીમોએ જંગલમાં શોધખોળ હાથ ધરી. જંગલ વિસ્તારના 12 કિલોમીટર અંદરના વિસ્તારમાં ટીમો પહોંચી હતી.

બાતમીના આધારે SOGએ હાથ ધરી કાર્યવાહી
 
વીંછિયા, જસદણ, આટકોટ અને રાજકોટ SOGએ કાર્યવાહી હાથ ધરી હતી. જો કે,પોલીસને મળેલી બાતમી આધારિત માહિતી ખોટી સાબિત થઈ. સઘન તપાસ બાદ પણ જંગલમાં કઈ શંકાસ્પદ ન જણાતા તપાસ પૂર્ણ કરવામાં આવી. મહત્વનું છે કે, વીડ નજીક પૌરાણિક ઘેલા સોમનાથ મંદીર આવેલુ છે અને શ્રાવણમાસમાં ઘેલા સોમનાથ ખાતે ભક્તોની ભારે ભીડ હોય છે. 

ગુજરાતમાં હાઇ એલર્ટ

ગુજરાતમાં ATSએ આતંકી હુમલાની આશંકાના લઈને રાજ્યભરની પોલીસને એલર્ટ કરવામાં આવી છે. આતંકીઓની ગતિવિધિને લઈને રાજ્યમાં તમામ ચેકપોસ્ટ પર પોલીસે સઘન ચેકિંગ હાથ ધર્યુ છે. હાલમાં પોલીસ આંતરરાજ્ય બોર્ડર પર ચેકિંગ કરી રહી છે.

સરહદ પર ગોઠવાયો બંદોબસ્ત

ગુજરાતમાં આતંકી હુમલાના અલર્ટને કચ્છની સરહદો પર સુરક્ષામાં વધારો કરી દેવામાં આવ્યો છે. સાથે જ આંતરરાજ્ય ચેકપોસ્ટ પર ચેકિંગ ચાલુ કરવામાં આવ્યું છે. મહારાષ્ટ્ર, રાજસ્થાન તરફથી ગુજરાતમાં આવતા વાહનોનું સઘન ચેકિંગ કરવામાં આવી રહ્યુ છે. જ્યારે બોર્ડર પર સ્થાનિક પોલીસ અને SRPના હથિયાર બંધ જવાનોને તૈનાત કરવામાં આવ્યા છે. સાથે જ કોઈ અનિચ્છનિય બનાવ ન બને તે માટે જાહેર સ્થળો પર પોલીસ વોચ રાખી રહી છે.