રાજકોટ / મોંઘવારીનો ડબલ ડોઝ..! ડુંગળી, બટાકા બાદ આ વસ્તુના ભાવ પહોંચ્યાં આસમાને....

• સિંગતેલનો ડબ્બાનો ભાવ 2000 આસપાસ પહોંચ્યો
• પામોલિન તેલના ડબ્બાનો ભાવ 1410 આસપાસ પહોંચ્યો
• કપાસિયા તેલના ડબ્બાનો ભાવ 1500 આસપાસ પહોંચ્યો

રાજકોટમાં સિંગતેલની સાથે અન્ય ખાદ્યતેલના ભાવમાં સતત વધારો થઈ રહ્યો છે. આજે સિંગેલમા ભાવમાં 20 રૂપિયાનો વધારો થયો છે. આ સાથે કપાસિયાની તેમજ પામોલિયન અને કપાસિયાના તેલના ભાવમાં પણ વધારો થયો છે.

પામોલિન તેલના ભાવમાં આજે 20 અને કપાસિયા તેલના ભાવમા 10 રૂપિયાનો વધારો થયો છે. ભાવ વધારો થતા સિંગતેલનો ડબ્બો 2 હજાર, પામોલિયન તેલનો ડબ્બો 1410 અને કપાસિયા તેલનો ડબ્બો 1500 રૂપિયાએ પહોંચ્યો છે.

ઉલ્લેખનીય છે કે સિંગતેલના ભાવમાં છેલ્લા ઘણા સમયથી સતત વધારો જોવા મળી રહ્યો છે. જેમાં હાલમાં જ સિંગતેલના ભાવમાં 30 રૂપિયાનો વધારો જોવા મળ્યો હતો. ચીનમાં ગત વર્ષની સરખામણીએ આ વર્ષે ત્રણ ગણું નિકાસ કરવામાં આવ્યું છે. જેને લઇને સિંગતેલના ભાવમાં વધારો જોવા મળ્યો હતો.