VIDEO: જુના માર્કેટિંગ યાર્ડમાં ભીષણ આગ,આકાશમાં ધૂમાડાના ગોટે-ગોટા ઉડ્યા

By : kavan 11:03 PM, 13 March 2018 | Updated : 11:05 PM, 13 March 2018
રાજકોટ: ગોંડલના મગફળી ગોડાઉનમાં લાગેલ આગના અંગારા હજી ઠર્યા નથી ત્યાં આજરોજ રાજકોટના જુના માર્કેટિંગ યાર્ડમાં ભીષણ આગ લાગી હતી. યાર્ડમાં રાખેલા બારદાનમાં લાગી ભીષણ આગ હતી. ફાયર બ્રિગેડની 10 ટુકડીઓ ઘટનાસ્થળે પહોંચી હતી. આગને કાબુમાં લેવાના પ્રયાસ હાથ ધરવામાં આવ્યા હતાં.

પ્લેટફોર્મ પર રાખવામાં આવેલા મગફળીના બારદાનના જથ્થામાં ભીષણ આગ લાગતા અફરાતફરીનો માહોલ સર્જોયો હતો.આગ લાગવાની ઘટનાની માહિતી મળતા જ રાજકોટ શહેરના ફાયરબ્રિગેડના ફાયર ફાઇટરો દોડી ઘટના સ્થળે પહોંચી ગયા હતા. જો કે આ ભીષણ આગથી આકાશમાં ધૂમાડાના ગોટે-ગોટા જોવા મળ્યા હતા.



ઉલ્લેખનીય છે કે આ ઘટનાની જાણ થતાં જ ફાયર વિભાગના જવાનોએ ઘટના સ્થળે પહોંચીને પાણીનો મારો ચલાવ્યો હતો.આ ઘટનાને પગલે રાજકોટ જિલ્લા કલેક્ટર પણ ઘટના સ્થળે પહોંચ્યા હતા અને સમગ્ર ઘટનાનો તાગ મેળવવાનો પ્રયાસ કર્યો હતો.

જાહેર માધ્યમો સાથે વાત કરતા રાજકોટ કલેક્ટર વિક્રાંત પાંડેએ જણાવ્યું હતું કે, જૂના માર્કેટિંગ યાર્ડમાં આવેલા ગુજકોટના પ્લેટફોર્મમાં લાગેલી આગ ભીષણ છે. જેમાં 15 લાખ ખાલી બારદાન હતા. એક બારદાનની કિંમત 80થી 100 ગણીએ તો કુલ 15 કરોડનું નુકસાન થયાનો અંદાજ છે.જો કે આ આગ લાગવા પાછળનું કારણ જાણી શકાયું નથી.
 



Recent Story

Popular Story