ખાખીને સલામ / રાજકોટ : ન્યારી ડેમમાં મોતને વ્હાલું કરવા જતી યુવતિને મહિલા પોલીસે બચાવી, કાઉન્સિંલિંગ કરી ઘરે મોકલી

• રાજકોટ મહિલા પોલીસની પ્રશંસનીય કામગીરી 
• ન્યારી ડેમમાં મહિલા પોલીસ કર્મીએ મહિલાનો બચાવ્યો જીવ
• આત્મહત્યા કરવા માગતી મહિલાનો પોલીસે બચાવ્યો જીવ 

રાજકોટ મહિલા પોલીસની પ્રશંસનીય કામગીરી

રાજકોટમાં શહેરમાં આપઘાતની ઘટનાઓ સતત વધી રહી છે. તેમાં પણ ન્યારી ડેમ ખાતે  આપઘાત કરવાની ઘટનાઓ અવારનવાર સામે આવતી હોય છે. ત્યારે રાજકોટ મહિલા પોલીસની ટીમની પ્રશંસનીયકામગીરી સામે આવી છે. મહિલા પોલીસની ટીમે આપઘાત કરવા આવેલી મહિલાનું કાઉન્સિલીંગ કરી તેને બચાવી લેવામાં આવી  છે 

ન્યારી ડેમ મહિલા પોલીસ કર્મીએ મહિલાનો બચાવ્યો જીવ

આ અંગે પ્રાપ્ત વિગતો અનુસાર રાજકોટ શહેરમાં દિન-પ્રતિદિન આપઘાતના બનાવો સામે આવી રહ્યાં છે. ત્યારે રાજકોટ મહિલા પોલીસની પ્રશંસનીય કામગીરી સામે આવી છે.રાજકોટ શહેરમાં રહેતી એક યુવતી કોઈ અગમ્ય કારણોસર ન્યારી ડેમમાં આપઘાત કરવાના ઈરાદે આવી છે. તેની જાણ રાજકોટ મહિલા પોલીસ ટીમ પાસે પહોંચી હતી. તાત્કાલીક મહિલા પોલીસની એક ટીમ ન્યારી ડેમ પાસે આવી હતી. 

મહિલા આત્મહત્યા કરવા જઈ રહ્યાની પોલીસને મળી હતી માહિતી

બાદમાં મહિલા પોલીસે આપઘાત કરવા માંગતી મહિલાનું  કાઉન્સિલિંગ હાથ ધરવામાં આવ્યું હતું. જે બાદ મહિલાએ પોતાનો નિર્ણય બદલતાં સૌ કોઈમાં હાશકારો મળ્યો હતો. આમ રાજકોટ મહિલા પોલીસની ટીમે સૂઝ બૂઝથી આપધાત કરવા આવેલી મહિલાનો જીવ બચાવ્યો હતો.