ગાંધી જયંતીને લઈને દેશભરમાં અનેક કાર્યક્રમોનું આયોજન થઇ રહ્યુ છે પણ રાજકોટમાં એક યુનિક કાર્યક્રમ થવા જઈ રહ્યો છે. ગાંધીજી હેલ્મેટ પહેરીને રાજકોટ માં બાઈક ચલાવશે અને લોકોને હેલ્મેટ પહેરવાની શીખ આપશે. આશ્ચર્ય પમાડે તેવા કાર્યક્રમ વિષે જાણી એ તો ફ્રીડમ યુવા ગ્રુપ દ્વારા છેલ્લા 15 વર્ષથી ગાંધી જ્યંતીએ કાર્યક્રમનું આયોજન કરે છે.
હેલ્મેટ પહેરી ગાંધીજી શીખવાડશે ટ્રાફિક નિયમના ભાવ
આ વર્ષે આ ગ્રુપ અને ગાંધી વિચાર સમિતિ દ્વારા મોટર વ્હીકલ એક્ટ ને લઈને માત્ર ગુજરાત જ નહિ દેશભરમાં ચર્ચા છે ત્યારે આ વિષય અને 150 મી ગાંધી જ્યંતી ને સાંકળીને અનોખા કાર્યક્રમનું આયોજન કર્યું છે, ગાંધીજીના વેશમાં એક સાથે 150 બાળકોની રેલી નીકળશે અને ગાંધીજી બનનાર હેલ્મેટ પહેરીને ટ્રાફિકના નવા નિયમો પાળવાની શીખ આપશે. રાજકોટના જ્યુબિલી ગાર્ડન ખાતેથી સવારે ગાંધી જ્યંતીએ સવારે 9 વાગ્યે આ રેલી નીકળશે.
એક સાથે 150 બાળકો ગાંધીજીના પહેરવેશમાં રેલી સ્વરૂપે નીકળી ને રાષ્ટ્રીય શાળા સુધી જશે, આ કાર્યક્રમ નું બીજું એક આકર્ષણ એ છે કે ગીનીશ બુકમાં સ્થાન પામેલ વિશાળ ગાંધી ટોપી ને પણ આ ગાંધી કુચમાં સામેલ કરવામાં આવશે. ગાંધીજી ની મૂર્તિ સાથેનો એક રથ પણ સામેલ કરાશે.