રાજકોટ અને દિલ્હીમાં એવી ક્રાઈમની ઘટના ઘટે કે લોકો આવું વિચારતા પણ ડરી જાય. ગઈકાલે રાજકોટ ક્રાઈમ બ્રાન્ચે એક શખ્સની ધરપકડ કરી હતી. અત્યાર સુધી જે માણસ પોલીસને નામે લાભ લેતો હતો અને પ્રજાને રંજાડતો હતો તે માણસની ધરપકડ કરવામાં આવી હતી. જાણો અપરાધી ભૂપત બાબુતરના રક્તરંજીત ભૂતકાળ વિશે...
ભૂપત બાબૂતરને લીમડાનો 'સ્વાદ મીઠો' લાગ્યો !
ભૂપત અપરાધની દુનિયાનો જૂનો ખેલાડી
જો તમે મકાન-પ્લોટ ખરીદશો તો મને પૈસા આપવા પડશેઃ ભૂપતની ધમકી
જામનગરમાં જયેશ પટેલ અને રાજકોટનો ભૂપત બાબુતર આ બન્ને સરખા છે. બન્નેની કર્મકુંડળી સમાન છે અને બન્ને ભૂમાફિયા છે. ભૂપત બાબુતરને પોલીસે ઝડપી પાડ્યો છે. ઉપલાકાંઠા વિસ્તારમાં લુખ્ખાગીરી માટે કુખ્યાત છે. આ ભૂપતને નામે અત્યાર સુધી અનેક ગુનામાં સંડોવણી સામે આવી છે. ભૂપત લોકોને એવું કહેતો હતો કે 'હું પોલીસનો મિત્ર છું. એક એક પોલીસ કર્મચારી મારા મિત્ર છે.' ભૂપતને એવો વટ હતો કે પોલીસ મારૂ કશુ નહીં બગાડે અને હવે ભૂપત પોલીસ સમક્ષ માય બાપ ભૂલ થઈ તેવા કાલા વાલા કરતો હતો.
આવી વાત કરીને નિર્દોષ લોકોને હેરાન પરેશાન કરતો હતો. જે મળે તે તોડ કરતો હતો. આ ભૂપતની સાથે તેનો એક સાથીદાર રાકેશ પોપટ છે. હાલ તે ફરાર છે. પોલીસે તેની શોધખોળ ચાલુ કરી છે.
તે જમીન ઘરીદી તો અમને 2 કરોડનું નુકસાન થયું છે તેમ કહીને ભૂપતે 50 લાખની માંગ કરી હતી
રાજકોટ શહેરમાં આ ભૂપતની ધાક હતી. કોઈ પ્લોટ કે ઘર ખરીદે તો આ ભૂપતને પૈસા આપવા પડતા હતા. અગાઉ આવી રીતે એક વેપારી પાસેથી પૈસા પડાવ્યા હતા. પેડક રોડ પરના શિવસૃષ્ટિ પાર્કમાં રહેતા અને કુબેર હોટેલના માલિક ધવલભાઇ ભરતભાઇ મિરાણી પાસેથી પૈસા પડાવ્યા હતા.
ધવલ મિરાણીએ વર્ષ 2017માં જમીનનો પ્લોટ ખરીદ કર્યો હતો, જેની જાણ થતાં ભૂપત વિરમ બાબુતર અને રાકેશ ધિરજ પોપટે તેને રણછોડવાડીમાં આવેલી પોતાની ઓફિસે બોલાવ્યા હતા. તે જમીન ખરીદતા અમને રૂ.2 કરોડનું નુકસાન થયું છે તેમ કહી રૂ.50 લાખની માંગ કરી હતી. હોટેલ માલિક પાસેથી અલગ અલગ રીતે બંને શખ્સે રૂ.70 લાખ પડાવ્યા હતા અને મારી નાખવાની ધમકી પણ આપી હતી.
હોટેલ માલિક ધવલભાઇએ ફરિયાદ નોંધાવતાં ક્રાઇમ બ્રાંચના પીઆઇ વી.કે.ગઢવી અને પીએસઆઇ વી.જે.જાડેજા સહિતના સ્ટાફે ભૂપત બાબુતરને ઝડપી લીધો હતો.
ભૂપતનો ભૂતકાળ રક્તરંજીત
આ ભૂપત ગુનાની દુનિયાનો જૂનો ખેલાડી છે. તેના નામે 12 જેટલા ગુનો બોલે છે. અપરાધની દુનિયાના તમામ દાખલા આ માણસ ગણી જાણે છે. ભૂપતને નામે અગાઉ હત્યા, હત્યાની કોશિશ અને આર્મ્સ એકટ સહિતના 12 જેટલા ગુનામાં પોલીસ ચોપડે ચડી ચુક્યા છે. ભૂપત લોકોને પોલીસનો મિત્ર ગણાવતો હતો. તે પોલીસના નામે લોકોને ધમકાવી પૈસા પડાવતો હતો. જો તમે મકાન ખરીદશો તો મને પૈસા આપવા પડશે. જો પ્લોટ લેશો તો પણ મને પૈસા આપવા પડશે તેવી ધમકીઓ આપતો હતો. ભૂપત સામે લોકો ફરિયાદ કરતા ડરતા હતા. ભૂપત અને રાકેશ પોપટે હોટેલ માલિકને ધમકાવીને રૂ.70 લાખ પડાવ્યાનો કિસ્સો ધ્યાને આવતા ક્રાઇમ બ્રાંચની ટીમે હોટેલ માલિકની ફરિયાદ નોંધી કાર્યવાહી કરી હતી.
ક્રાઈમ બ્રાન્ચે ભૂપતને લીમડાના દર્શન કરાવ્યા
ભૂપતને એવો વટ હતો કે પોલીસ મારૂ કશુ નહીં બગાડે. મારો વાંળ પણ વાંકો નહી થાય. પરંતુ ગઈકાલે ભૂપતનો આ ભ્રમ ભાંગી ગયો. મંગળવારે ચિત્ર પલટાયું હતું. પોલીસ કમિશનર કચેરીમાં આવેલા વર્ષો જૂના લીમડા પાસે ભૂપતને લઇ જવાયો હતો. પછી શું થાય તે આખુ રાજકોટ જાણે છે.
બધાની હાજરીમાં ભૂપતને લીમડાનો સ્વાદ ચખાડયો હતો. લીમડાના સ્વાદને કારણે ભૂપત સીધો દોર થઈ ગયો હતો. અગાઉ પોલીસ સાથે તસવીરો ખેંચાવી તેનો રોફ જમાવનાર ભૂપત પોલીસ સમક્ષ માય બાપ ભૂલ થઈ તેવા કાલા વાલા કરતો હતો.
આજે ફરી રીમાન્ડ માગવામાં આવશે
ભૂપતને રિમાન્ડની માંગ સાથે કોર્ટમાં રજૂ કરવામાં આવ્યો હતો, પરંતુ રિમાન્ડ નામંજૂર થતાં તેને જેલહવાલે કરવામાં આવ્યો હતો. બુધવારે રિમાન્ડ અંગે સેશન્સ કોર્ટમાં રિવિઝન અપીલ કરવામાં આવશે. બીજી વાત એ છે કે રાજકોટ શહેરમાં ભૂપતના ત્રાસનો કોઈ ભોગ બન્યા હોય તો ફરિયાદ કરવા આગળ આવે. ગઈકાલે ભૂપતના સાથીદાર રાકેશ પોપટને શોધવા પોલીસે તેના ઘર અને ઓફિસે દરોડા પાડ્યા હતા, પરંતુ તે હાથ આવ્યો નહોતો. ગઈકાલે ઘટનામાં ક્રાઈમ બ્રાન્ચે જે કાઈ કર્યું તે યોગ્ય છે. આવા લુખ્ખાને લીમડાનો સ્વાદ ચખાડવો જરૂરી છે.