રાજકોટઃ માલિયાસન ગામ પાસે અકસ્માતની ઘટના સામે આવી છે. માલિયાસન ગામ પાસે સ્કોર્પિયો ગાડી પલટી ખાતા 2 યુવાનોના મોત થયા હતા. આ ઘટનામાં અન્ય 4 યુવાનો ઈજાગ્રસ્ત પણ થયા છે. આ ઘટના સર્જાતા ગ્રામજનો ઘટના સ્થળે દોડી આવ્યા હતા. ઈજાગ્રસ્તોને સારવાર અર્થે રાજકોટ સિવિલ હોસ્પિટલ ખસેડાયા હતા.
આ રાજકોટ-કુવાડવા હાઇવે પર બનેલ અકસ્માત એટલો ભયાનક હતો કે બે યુવાનોના ઘટનાસ્થળે મોત નિપજ્યાં હતા. જ્યારે અન્ય ચાર વ્યક્તિઓને ગંભીર ઇજાઓ થવા પામી હતી. ઇજાગ્રસ્તોને હોસ્પિટલ ખસેડાયા છે જેમાંથી બેની સ્થિતિ ગંભીર હોવાનું જાણવા મળી રહ્યું છે.
મળતી માહિતી અનુસાર એક સ્કોર્પિયો ગાડી રાજકોટ-કુવાડવા હાઇવે પરથી મોડી રાત્રે પુરપાટ ઝડપે જઇ રહી હતી. જે દરમિયાન માલિયાસન ગામ નજીક કાર ચાલકે સ્ટિયરિંગ પરથી કાબૂ ગુમાલતા ગાડી ડિવાઇડર સાથે અથડાઇ અને પલટી ખાઇ જતા આ અકસ્માત સર્જાયો હતો. જેમાં 20 વર્ષીય 2 ભરવાડ યુવાનોના મોત નીપજ્યા છે જ્યારે અન્ય ચારને ઇજા પહોંચી છે.
આ ઘટનાના પગલે હાઇવે પરનો ટ્રાફિકજામ થઇ જતા બંને તરફ વાહનોની કતાર લાગી જતા અનેક વાહનચાલકો અટવાયા હતા.