રાજકોટમાં ભાજપના નેતાના ક્રિષ્ના વોટર પાર્કમાં પોલીસે દારૂની મહેફિલ પર દરોડા પાડ્યા હતા. પોલીસે ઝડપી પાડેલા તમામ પોલીસકર્મીઓને જામીન આપવામાં આવ્યા છે.
ભાજપના નેતાનો છે વોટરપાર્ક
45 જેટલા પોલીસ અધિકારીઓ સામેલ
30માંથી 10 પીધેલા ઝડપાયા, 5 પાસે પરમીટ હતી
સામાન્ય પ્રજા સામે કાર્યવાહી કરતી પોલીસ પોતાના પ્રત્યે મૌન છે. પોલીસે મહેફિલમાંથી ઝડપેલા ઉદ્યોગપતિ અને ઉચ્ચ પોલીસકર્મીને જામીન આપી દેવામાં આવ્યા છે. દારૂ પાર્ટીમાં શહેરના કેટલાક ઉચ્ચ લોકો પણ હાજર હતા. આધારભૂત સૂત્રોના જણાવ્યામુજબ મુજબ પાર્ટીમાં રાજકોટ પોલીસના ઉચ્ચ અધિકારીઓ પણ સામેલ હતા. પોલીસ તમામ ઉચ્ચ અધિકારીઓને મુક્ત કર્યા હોવાનો આક્ષેપ થઈ રહ્યા છે. રાજકોટ પોલીસ માત્ર નિવૃત પોલીસની સામે કેસ દાખલ કર્યો છે. જેને લઈને પોલીસ કાર્યવાહી સામે સવાલો ઊભા થઈ રહ્યા છે.
શું છે મામલો?
પોલીસના ઉચ્ચ અધિકારીઓએ વોટરપાર્કમાં દરોડા કરીને મોટો દારૂનો જથ્થો ઝડપ્યો છે. સાથે SOGના અધિકારી નિવૃત્ત થતા આ પાર્ટી યોજાઈ હતી. આ દારૂ પાર્ટીમાં DySP, PI, PSI કક્ષાના અધિકારીઓ હાજર હતા. વોટરપાર્કમાં પોલીસકર્મીઓની દારૂની પાર્ટી ચાલી રહી હોવાની બાતમી મળી હતી. ત્યારે પાર્ટીમાં પોલીસકર્મીઓ જ દારૂના નશામાં ઝડપાઈ ગયા હતા.
45 જેટલા પોલીસ અધિકારીઓ સામેલ
45 જેટલા પોલીસ અધિકારીઓ આ પાર્ટીમાં સામેલ હોવાની ચર્ચા થઇ રહી છે. આ પોલીસ કર્મીઓ દારૂના નશામાં હોવાની પણ વાત સામે આવી રહી છે. ત્યારે પોલીસ દ્વારા પોલીસ કર્મીની પાર્ટી પર રેડ કરવામાં આવી હતી. વોટરપાર્કના તમામ દરવાજા બંધ કરવામાં આવ્યા હતા.
નિવૃત્ત અધિકારીની બર્થ ડે પાર્ટી
રાજકોટના ક્રિષ્ના વોટર પાર્કમાં SOGના નિવૃત્ત અધિકારી રાજભા વાઘેલાની બર્થ-ડે પાર્ટીમાં પોલીસકર્મીઓ સહિત કેટલાક લોકો નશાની હાલતમાં હોવાની બાતમીના આધારે પોલીસ દ્વારા ગુરૂવારે રાત્રે દરોડાની કાર્યવાહી કરવામાં આવી હતી. પોલીસે શંકાસ્પદોની અટકાયત કરી તેમના મેડિકલ ટેસ્ટ કરાવવાની કાર્યવાહી કરી હતી.
30માંથી 10 પીધેલા ઝડપાયા, 5 પાસે પરમીટ હતી
આ મામલે એસીપી એસ.આર.ટંડેલની ટીમ દ્વારા તપાસ શરૂ કરવામાં આવી છે. ક્રિષ્ના વોટર પાર્ક રાજકીય અગ્રણી હરીભાઇ પટેલનો છે. દરોડા દરમિયાન કેટલાક લોકો વોટર પાર્કની દીવાલ કૂદીને ભાગ્યા છૂટ્યાની શક્યતા છે. એસીપી એસ.આર. ટંડેલે મીડિયા સમક્ષ જણાવ્યુ હતું કે, અહીં 30 જેટલા લોકો હાજર હતા જેમાં 10 જેટલા લોકો પીધેલા ઝડપાયા છે જેમાં 5 લોકા પરમીટવાળા હતા. અન્ય પીધેલા લોકો પાસે પરમિટ ન હતી.
પીધેલામાં નિવૃત્ત Dy.SP સહિતના પોલીસકર્મી સામેલ
પીધેલાઓમાં એક નિવૃત Dy.SP સહિત પોલીસકર્મીઓ સામેલ છે. પરમીટવાળા સહિત તમામના બ્લડ ટેસ્ટ કરવામાં આવશે. તેમજ ક્રિષ્ના વોટર પાર્કમાં બિયરનું ખાલી ટીન અને અનેક દારૂની ખાલી બોટલો જોવા મળી હતી. પોલીસ સાથે મીડિયાકર્મીઓ પણ ક્રિષ્ના વોટર પાર્કમાં પ્રવેશ્યા હતાં. જ્યાં ક્રિષ્ના વોટર પાર્કમાં બિયરનું ખાલી ટીન જોવા મળ્યું હતું.
પોલીસે કરી અટકાયતની કાર્યવાહી
અટકાયતની કાર્યવાહી દરમિયાન એક વ્યક્તિએ કહ્યું હતુ કે અહીં કોઇ દારૂની પાર્ટી ચાલતી ન હતી. કોઇ લીકર પરમીટવાળા બહારથી દારૂ પી ને આવી ગયા હોય તેવુ બની શકે. કેટલાક લોકો દીવાલ કૂદીને ભાગી ગયા હોવાની શક્યતા છે. હાલ તો કુવાડવા પોલીસે 10 લોકો સામે પ્રોહીબીસનનો ગુન્હો અને 20 લોકો સાથે પાર્ટીમાં હાજર રહ્યા તે મામલે 30 લોકો વિરુદ્ધ ગુનો દાખલ કરી કાયદેસરની કાર્યવાહી હાથ ધરી હતી.
ભાજપના નેતાનો છે વોટરપાર્ક
મહત્વની વાત છે કે આ ક્રિષ્ના વોટરપાર્ક ભાજપના અગ્રણી હરિભાઇ પટેલનો છે. ત્યારે આ વોટરપાર્કમાં દારૂની રેલમછેલ થઇ રહી હતી. ત્યારે પોલીસ દ્વારા અહીં રેડ કરવામાં આવી હતી.