રાજકોટમાં ગઈ કાલ રાતથી મહેફિલ કાંડના દબાવવા પોલીસે દારૂના અડ્ડાઓ ઉપર રેડ પાડી હતી. ત્યારે ત્યાંથી કંઈ હાથ ન લાગતા પોલીસ 'રેડ પાડી રહી છે કે રમત કરી રહી છે' તેવા વ્યંગ વહેતા થયા હતા. ગઈકાલે પોલીસઅધિકારીઓની દારૂની મહેફિલમાં પકડાયેલા લોકો ઉપર હજુ સુધી કાર્યવાહી હાથ ધરવામાં નથી આવી અને શહેરમાં ખાલી ખાલી રેડ પાડવાનું નાટક કરવામાં આવી રહ્યુ છે.
દારૂની ચાલી રહેલી ભઠ્ઠીઓમાંથી કઈ પણ મળ્યું ન હતુ
દારૂના અડ્ડાઓ પર દરોડા પાડ્યા જેમાં માત્ર 30 મિનિટ સુધી કામગીરી કરી
દારૂના અડ્ડાઓ ઉપર દરોડા પાડવાની રમત રમી રહી છે
રાજકોટમાં ગઈ કાલ રાતથી ધબધબાટી બોલાઈ રહી છે. રાજકોટ પોલીસ દ્વ્રાર પોલીસકર્મીઓની જ દારૂની મહેફીલ ઉપર દરોડો પાડવામાં આવ્યા હતા. આ આખી ઘટનાને અંદરખાને સમજાવટથી પતાવવા માટે પોલીસ શહેરમાં અન્ય દારૂના અડ્ડાઓ ઉપર દરોડા પાડવાની રમત રમી રહી છે.
દરોડામાં પોલીસના હાથ ખાલી
હાલમાં પોલીસ દ્વારા જ્યારે બુટલેગરના અડ્ડા ઉપર રેડ પાડવામાં આવી તો પોલીસના હાથમાં કંઈ લાગ્યુ નહતુ. પોલીસે ખાલી હાથે પાછુ ફરવું પડયું હતુ. પોલીસકર્મીઓને દારૂની ચાલી રહેલી ભઠ્ઠીઓમાંથી કઈ પણ મળ્યું ન હતુ ત્યારે પોલીસ દ્વારા મહેફીલ કાંડ દબાવાવા રાજકોટ પોલીસનો પ્રયાસ ચાલુ છે. પોલીસે હજુ પણ પોલીસ કર્મચારી સામે નથી કરી કાર્યવાહી
ગઈકાલે મોડી રાતે પકડાઈ હતી દારૂની મહેફિલ
ગુરૂવારે મોડી રાત્રે પોલીસે ક્રિષ્ના પાર્કમાં દરોડા પાડતા નશામાં પોલીસકર્મીઓ ઝડપી પાડ્યા હતા. ઘટના મીડિયામાં આવતા પોલીસે દબાવવાનો પ્રયાસ કર્યો હતો. આ ઘટનાને દબાવવા માટે રાજકોટ પોલીસે ગતકડાં કરી રહી છે. આજે સવારે દારૂના અડ્ડાઓ પર દરોડા પાડ્યા જેમાં માત્ર 30 મિનિટ સુધી કામગીરી કરીને પોલીસે સંતોષ માન્યો હતો.
શું છે મામલો?
પોલીસના ઉચ્ચ અધિકારીઓએ વોટરપાર્કમાં દરોડા કરીને મોટો દારૂનો જથ્થો ઝડપ્યો છે. સાથે SOGના અધિકારી નિવૃત્ત થતા આ પાર્ટી યોજાઈ હતી. આ દારૂ પાર્ટીમાં DySP, PI, PSI કક્ષાના અધિકારીઓ હાજર હતા. વોટરપાર્કમાં પોલીસકર્મીઓની દારૂની પાર્ટી ચાલી રહી હોવાની બાતમી મળી હતી. ત્યારે પાર્ટીમાં પોલીસકર્મીઓ જ દારૂના નશામાં ઝડપાઈ ગયા હતા.
પોલીસકર્મીને જામીન આપી દેવામાં આવ્યા
સામાન્ય પ્રજા સામે કાર્યવાહી કરતી પોલીસ પોતાના પ્રત્યે મૌન છે. પોલીસે મહેફિલમાંથી ઝડપેલા ઉદ્યોગપતિ અને ઉચ્ચ પોલીસકર્મીને જામીન આપી દેવામાં આવ્યા છે.
45 જેટલા પોલીસ અધિકારીઓ સામેલ
45 જેટલા પોલીસ અધિકારીઓ આ પાર્ટીમાં સામેલ હોવાની ચર્ચા થઇ રહી છે. આ પોલીસ કર્મીઓ દારૂના નશામાં હોવાની પણ વાત સામે આવી રહી છે. ત્યારે પોલીસ દ્વારા પોલીસ કર્મીની પાર્ટી પર રેડ કરવામાં આવી છે. વોટરપાર્કના તમામ દરવાજા બંધ કરવામાં આવ્યા છે. મીડિયાકર્મીઓને અંદર જવા નથી દેવામાં આવી રહ્યા.
નિવૃત્ત અધિકારીની બર્થ ડે પાર્ટી
રાજકોટના ક્રિષ્ના વોટર પાર્કમાં SOGના નિવૃત્ત અધિકારી રાજભા વાઘેલાની બર્થ-ડે પાર્ટીમાં પોલીસકર્મીઓ સહિત કેટલાક લોકો નશાની હાલતમાં હોવાની બાતમીના આધારે પોલીસ દ્વારા ગુરૂવારે રાત્રે દરોડાની કાર્યવાહી કરવામાં આવી હતી. પોલીસે શંકાસ્પદોની અટકાયત કરી તેમના મેડિકલ ટેસ્ટ કરાવવાની કાર્યવાહી કરી હતી.
30માંથી 10 પીધેલા ઝડપાયા, 5 પાસે પરમીટ હતી
આ મામલે એસીપી એસ.આર.ટંડેલની ટીમ દ્વારા તપાસ શરૂ કરવામાં આવી છે. ક્રિષ્ના વોટર પાર્ક રાજકીય અગ્રણી હરીભાઇ પટેલનો છે. દરોડા દરમિયાન કેટલાક લોકો વોટર પાર્કની દીવાલ કૂદીને ભાગ્યા છૂટ્યાની શક્યતા છે. એસીપી એસ.આર. ટંડેલે મીડિયા સમક્ષ જણાવ્યુ હતું કે, અહીં 30 જેટલા લોકો હાજર હતા જેમાં 10 જેટલા લોકો પીધેલા ઝડપાયા છે જેમાં 5 લોકા પરમીટવાળા હતા. અન્ય પીધેલા લોકો પાસે પરમિટ ન હતી.