રાજકોટના જસદણમાં ફરી ભાજપનો જૂથવાદ સામે આવ્યો છે. છેલ્લા ઘણા સમયથી ચાલી રહેલો આંતરિક વિવાદ ફરી ચરમસીમાએ પહોંચી ગયો છે. જેને લઇને લાગી રહ્યું છે કે રાજ્યનું હાઇકમાન્ડ જૂથવાદને ડામવામાં સદંતર નિષ્ફળ જોવા મળી રહ્યું છે. આ અગાઉ પણ ભાજપના પૂર્વ ધારાસભ્ય ભરત બોઘરા અને અને કુવંરજી બાવળિયા વચ્ચેના સમર્થકો ફરી આમને-સામને જોવા મળ્યાં છે.
ભરત બોધરાના કોંગ્રેસ નેતા સાથે ફોટો વાઇરલનો મામલો
વાઇરલ ફોટા મુદ્દે બોધરા અને બાવળિયા જૂથ સામસામે
જસદણ નગરપાલિકાના ગૃપમાં બન્ને જુથ થયા સામસામે
રાજકોટના જસદણમાં ભાજપમાં જૂથવાદ ચરમસીમાએ આવી ગયો છે. બોઘરા જૂથ અને બાવળિયા જૂથના સમર્થકો આમને સામને આવી ગયા છે. નગરપાલિકાના ગ્રુપમાં સભ્યો એક બીજાની સામ સામે આવી ગયા છે. આ જૂથવાદની એક ઓડિયો ક્લીપ વાયરલ થઈ છે.
આ ઓડિયો ક્લિપમાં બે સભ્યો સામ-સામે આક્ષેપ પ્રતિઆક્ષેપ કરી રહ્યા છે. વાયરલ થયેલા વીડિયોમાં નીતિન ચૌહાલીયા કે જે ફોન કરીને અલ્પેશ રૂપારેલીયાને કોંગ્રેસના નેતાઓ સાથેના ફોટા વોટ્સએપ પર મુકવા મામલે સવાલો કરે છે. જ્યારે બીજી તરફથી કુંવરજી બાવળિયાનો ફોટો તે ક્યારેય સ્ટેટસમાં કેમ ન મૂક્યો તેમ કહીને આક્ષેપ કરે છે.
આ દરમિયાન રૂપારેલીયા જણાવે છે કે તે એક લગ્ન પ્રસંગમાં ગયા હતા. આ સમયે આ ફોટા પાડ્યા હતા. રૂપારેલીયાએ કહ્યું કે શું હવે લગ્ન પ્રસંગમાં પણ નહીં જવાનું. જોકે આ બન્ને સભ્યોનો જૂથવાદ ચરમસીમાએ આવી ગયો છે. આ જૂથવાદ નગરપાલિકાના સભ્યો સુધી પહોંચ્યો છે.