VIDEO: રાજકોટનો કુખ્યાત બાળ આરોપી સ્પેશિયલ હોમમાંથી ફરાર તંત્ર નિંદ્રામાં

રાજકોટઃ શહેરનાં સ્પેશિયલ હોમમાંથી એક કુખ્યાત બાળ આરોપી રાજા જાડેજા ફરાર થયો છે. સ્પેશિયલ હોમનાં સંચાલકોની બેદરકારીનાં કારણે તે આરોપી ફરાર થઇ ગયો છે. ત્યારે હવે પોલીસે શહેરમાં નાકાબંધી કરીને બાળ આરોપીની શોધખોળ શરૂ કરી છે.

પોલીસ કર્મચારીની હત્યાનાં કેસમાં રાજા જાડેજાને સજા થઈ હતી. આ ઉપરાંત રાજાનાં વિરૂદ્ધમાં અનેક ગુનાઓ પણ નોંધાયા છે. ઉલ્લેખનીય છે કે ગોંડલ રોડ પર આવેલ સ્પેશિયલ હોમમાં રહેતો કુખ્યાત બાળ સાગરીત રાજા જાડેજા કે જે ગુરુવારે તકનો લાભ લઇને હોમની દિવાલ કુદીને અંધારામાં પલાયન થઇ ગયો હતો. જેથી તે અંગેની જાણ થતાં જ પોલીસે સમગ્ર શહેરભરમાં નાકાબંધી કરી દીધી છે.

ફરાર થઇ ગયેલ રાજા જાડેજાને એક પોલીસ કર્મચારીની હત્યાનાં ગુનામાં સ્પેશિયલ જેલમાં રખાયો હતો. જો કે મહત્વની બાબત એ પણ છે કે આ બાળ આરોપી અવારનવાર સ્પેશિયલ હોમમાં અન્ય લોકો સાથે પણ ઝઘડો કરતો હતો.