રાજકોટમાં મહિલાની નિર્મમ હત્યા કરી દેવામાં આવતા ચકચાર મચી ગઈ છે કાલાવડ રોડ પર આવેલા રવિપાર્ક વિસ્તારમાં મહિલાને છાતીમાં ગોળી ધરબીને નિર્મમ હત્યા કરી દેવાતા સમગ્ર વિસ્તારમાં અરેરાટી વ્યાપી ગઈ છે.
રાજકોટના પ્રેમ મંદિર પાસે મહિલાની હત્યા
સરિતા નામની મહિલાને ગોળી મારનાર શખ્સ મહિલાનો પૂર્વ પતિ હોવાનું સામે આવ્યું છે. આરોપી આકાશ રામાનુજે 4 ચાર વર્ષ પહેલા મહિલા સાથે લગ્ન કર્યા હતા જે બાદ છુટાછેડા થતા સરિતા રાજકોટમાં અન્ય પતિ સાથે રહેતી હતી. પરતું પૂર્વ પતિ મહિલાને ઘરે આવી ચઢ્યો હતો અને મહિલાને ગોળી મારીને ભાગી ગયો હતો ત્યારે સ્થાનિક યુવકે આરોપીને પીછો કરી પોલીસે જાણ કરી હતી જે બાદ પોલીસે આરોપીને ફિલ્મી ઢબે પકડી પાડ્યો હતો.
ઘરમાં પ્રવેશીને આરોપીએ મારી ગોળી
બ્યૂટીપાર્લર ચલાવતી સરિતા પોતાન પતિ સાથે ઘરમાં જમી રહી હતી ત્યારે તેનો પૂર્વ પતિ ઘરમાં ઘૂસી આવ્યા હતો જે બાદ સરિતા સાથે પૈસાની લેતીદેતીમાં બોલાચાલી કરવા લાગ્યો હતો પરતું ઉશ્કેરાયેલા રામાનુજે તેને દેશી તંમચાથી ગોળી મારી ફરાર થઈ ગયો હતો. ઘટનાને પગલે આસપાસના રહિશોમાં અરેરાટી વ્યાપી ગઈ હતી પરતું એક સ્થાનિક યુવકે આરોપીને પીછો કરી પોલીસને બાતમી આપતા પોલીસ તેની ધરપકડ કરી લીધી છે.
આકાશ રામાનુજ નામના વ્યક્તિની કરી ધરપકડ
રાજકોટમાં હત્યા કરાયાની જાણ થતા પોલીસ ઘટના સ્થળે આવી પહોંચી હતી મહત્વનું છે કે બ્યૂટીપાર્લર ચલાવતી સરીતા નામની મહિલાની તેના જ પૂર્વ પતિએ ગોળી મારીને હત્યા કરી દીધી હતી. પોલીસ તપાસમાં મહિલા સરિતા સગર્ભા હોવાનું અને તેને 7 મહિનાનો ગર્ભ હોવાનું સામે આવ્યું છે.
રાકાશ રામાનુજ મૃતક સરિતાનો છે પૂર્વ પતિ
સમગ્ર મામલે રાજકોટ ઝોન -2ના DSP મનોહરસિંહ જાડેજાએ જણાવ્યું હતું કે, સરિતા નામની મહિલાના લગ્ન ચાર વર્ષ પહેલા ગોરખપુરના આકાશ રામાનુજ મૌર્ય સાથે લગ્ન થયા હતા. બાદમાં છૂટાછેડા થતા સરીતાએ રાજકોટમાં પંકજ નામના વ્યક્તિ બીજા લગ્ન કર્યા હતા. આજે પંકજ અને સરીતા બપોરે જમી રહ્યાં હતા ત્યારે આકાશ ગોરખપુરથી આવ્યો હતો અને પૈસાની લેતીદેતીમાં માથાકૂટ થઈ હતી. જે બાદ આકાશે સરીતા પર દેશી કટ્ટાથી ફાયરિંગ કરી હત્યા કરી નાસી ગયો હતો.
પોલીસ દ્વારા આગળની કાર્યવાહી કરવામાં આવી
પોલીસે વધુમાં જણાવ્યું હતું કે, સ્થાનિક યુવાને આરોપીનો પીછો કરી પોલીસને બાતમી આપી હતી. આકાશ ઇન્દિરા સર્કલ નજીક રિક્ષામાં બેસી જતો હતો સ્થાનિક યુવાને રિક્ષા નંબર પોલીસને આપ્યા હતા. જે બાદ પોલીસે આરોપી આકાશ રામાનુજની માધાપર ચોકડીએથી ઝડપી પાડ્યો હતો . હાલ પોલીસ દ્વારા આગળની કાર્યવાહી કરવામાં આવી રહી છે.