રાજકોટમાં મહાનગર પાલિકાના આરોગ્ય વિભાગ દ્વારા દરોડા પાડવામાં આવ્યા. 150 ફૂટ રીંગ રોડ પર આવેલા બીગ બજાર અને રિલાયન્સ મોલમાં આરોગ્ય વિભાગે સર્ચ ઓપરેશન હાથ ધર્યું. જેમાં ચોંકવનારી વિગતો સામે આવી.
સ્થાનિક તંત્ર દ્વારા આજરોજ પાડવામાં આવેલ દરોડામાં સામે આવેલ કે ખાદ્યચીજો પર દર્શાવ્યા મુજબ તાપમાનમાં આ ચીજવસ્તુઓનું સ્ટોરેજ કરવામાં આવ્યું હતું. લીકેજ અને ફૂલાઈ ગયેલા ઠંડાપીણાના ટીન પણ લોકોના સ્વાસ્થ્ય સાથે ચેડા કરવા માટે જાણે મૂકવામાં આવ્યા હતા.
તો બીજી તરફ રોજીંદા જીવનમાં ઉપયોગમાં લેવાતા શાકભાજી અને ફળોમાં પણ ફૂગ જોવા મળી. આ સિવાય આઈક્રીમના તૂટેલા બોક્સનું પણ વેચાણ કરવામાં આવતું હોવાનું ધ્યાને આવ્યું હતું.
નવાઈની વાત તો એ છે કે સ્ટોરેજમાં પણ પુષ્કળ જીવાતો મળી આવી હતી અને એ~સપાયરી ડેટવાળી અનેક ચીજવસ્તુઓનું બિન્દાસ્ત વેચાણ કરવામાં આવતું હતું. તો આરોગ્ય વિભાગે દરોડા બાદ બંને મોલને નોટિસ ફટકારી હતી અને જપ્ત કરાયેલા મુદ્દામાલનો નાશ કરવામાં આવ્યો હતો.
અત્રે ઉલ્લેખનીય છે કે આ પહેલા પણ તંત્ર દ્વારા રાજ્યભરમાં ઠેર-ઠેર દરોડાના કામગીરી હાથ ધરવામાં આવી છે આ દરોડામાં મોટી સંખ્યામાં અખાદ્ય ખોરાકનો જથ્થો ઝડપી લેવામાં આવ્યો છે.
તેમ છતાં આજરોજ રાજકોટના આરોગ્ય વિભાગ દ્વારા કરવામાં આવેલ દરોડાની કામગીરીને કારણે ચોંકાવનારા થયા હતા. ત્યારે સવાલ થાય છે કે આ પ્રકારની અખાદ્ય ચીજોનું વેચાણ કરતા લોકો સામે તંત્ર કડક પગલા ક્યારે લેશે..? જો તંત્ર દ્વારા દ્વારા તાત્કાલિક અસરથી કડક પગલા લેવામાં આવે તો જ લોકોના સ્વાસ્થ્ય સાથે ચેડાં કરતા લોકોને શીખ મળશે.