ચેતી જજો / ફાફડા-ગાંઠિયા ખાવા જતા પહેલા વાંચી લો આ સમાચાર, રાજકોટમાં ફરસાણમાં ચોંકાવનારી વસ્તુઓ ઝડપાઈ

• રાજકોટવાસીઓના આરોગ્ય સાથે ગંભીર ચેડાં
• આરોગ્ય વિભાગનો અભિનવ મસાલા ગૃહમાં કાર્યવાહી
• ગાંઠીયાના સ્વાદ માટે નાખતા હતા ગંભીર પ્રકારનો સોડા

ગુજરાતીઓ ખાવાના ભારે શોખીન, જેવા નવરા પડે નહી કે તરત જ કંઇક ખાવા માટેનો પ્લાન બનાવી દે. તેમાં પણ રજાના દિવસની સવાર તો ગાંઠિયા વિના અધૂરી ગણાય. ગાંઠિયા અને ચટણી તો ગુજરાતીઓના હોટ ફેવરિટ. ટેસ્ટી અને ટેસડો પાડી દેતા ગરમાગરમ ગાંઠિયા ખાવા માટે ભલભલાનું મન લલચાઇ જાય. પરંતુ શું તમને ખબર છે  ગાંઠિયા એકદમ ટેસ્ટફુલ બનાવવા માટે વેપારીઓ તમારા જીવની પણ પરવાહ કરતા નથી. જી હા, સાંભળીને નવાઇ લાગે પરંતુ  રાજકોટમાં ગાંઠિયા બનાવવા માટે ધોવાનો સોડા વપરાતો હોવાનું સામે આવ્યું છે.

ગાંઠિયામાં ધોવાના સોડાનો ઉપયોગ 

જો તમે ગાંઠિયા ખાવાના શોખીન હોવ તો થોડા ચેતી જજો, કારણ કે આ ગાંઠીયા ક્યાંક તમારા સ્વાસ્થ્ય માટે જોખમી ન બની જાય. રાજકોટમાં આરોગ્ય વિભાગ દ્વારા અભિનવ મસાલા ગૃહમાં દરોડો પાડવામાં આવ્યા. અહીં આયુર્વેદિક દવાઓના નામે લોકોના આરોગ્ય સાથે ચેડાં કરવામાં આવતા હતા.. તો સાથે જ ચોંકાવનારી વાત તો એ સામે આવી કે ધોવાના સોડાના પેકેટ પણ મળી આવ્યા. જેનો ઉપયોગ ગાંઠીયા અને ફાફડાને ટેસ્ટ ફુલ બનાવવા માટે  થતો હોવાનો ઉલ્લેખ કરવામાં આવ્યો હતો. સાથે જ આ પેકેટ પર ટાઇલ્સ, ફ્લોરિંગ અને કાચ ધોવા માટે પણ વપરાશ થતો હોવાનો ઉલ્લેખ કરવામાં આવ્યો છે.

ફાફડા ખાતા પહેલા સાવધાન

એટલે હવે જો ગરમા ગરમ ફાફડા જોઇને મોંઢામાં પાણી આવી જાય તો થોડો કંટ્રોલ કરી લેજો. ખાતા નહી. કારણ કે જે સ્વાદથી તમે ફાફડા ખાવા ખેંચાઓ છો તેમાં ધોવાનો સોડા વાપર્યો હોઇ શકે . રાજકોટ આરોગ્ય વિભાગે દરોડા પાડતા લોકોના આરોગ્ય સાથે ચેડા કરનારા વેપારીઓની પણ પોલ ખૂલી છે. સૉફ્ટ અને સ્વાદિષ્ટ લાગતા ફરસાણમાં ક્યાંક ધોવાનો સોડા પણ વપરાયો હોઇ શકે. આ જોખમી કરતૂતનો પર્દાફાશ તો થયો પરંતુ આજ દિન સુધી આવા તો કેટલાય સોડાના પેકેટ વેચાયા હશે,.અનેક ફરસાણના વેપારીઓએ આ સોડાનો ઉપયોગ કર્યો હશે. ત્યારે હવે રાજકોટની ફરસાણ બનાવતી દુકાનોમાં પણ આરોગ્ય વિભાગે રેડ પાડવી અનિવાર્ય બને છે. 
 
ગાંઠિયા અખાદ્ય કેવી રીતે બને ?

કપડા ધોવાનો પાઉડરનો ઉપયોગ કરે છે કેટલાક વેપારીઓ
ગાંઠિયાને ચટાકેદાર બનાવવા વોશિંગ પાઉડરનો ઉપયોગ કરે છે
ખાવાના સોડા કરતા વધુ સસ્તો હોય છે વોશિંગ પાઉડર 
વધુ નફો કમાવવાની લાલચે સોડાને બદલે વોશિંગ પાઉડરનો ઉપયોગ
વોશિંગ પાઉડરના ઉપયોગથી આંતરડા અને હોજરીમાં થાય છે નુકસાન
વેપારીઓ વારંવાર ઉકાળેલા તેલનો ઉપયોગ કરે છે
નવા તેલના ઉપયોગને ટાળીને એક જ તેલમાં વધુ વખત તળે છે
વારંવાર ઉકાળેલા તેલમાં તળાયેલું ફરસાણ હાનિકારક છે
વારંવાર ઉકાળેલા તેલથી શરીરમાં હાનિકારક કોલેસ્ટ્રોલ વધે છે
કોલેસ્ટ્રોલથી હૃદય રોગના હુમલાનું જોખમ વધે છે

લોકોએ શું ધ્યાન રાખવું જોઇએ ?

હંમેશા જાણીતા વેપારીને ત્યાંથી ફરસાણ ખરીદો
સ્કીમ કે લોભામણી લાલચોથી દૂર રહેવું જોઇએ
સસ્તું ફરસાણ ખરીદવાની લાલચ સ્વાસ્થ્ય માટે સાબિત થઇ શકે જોખમી
જ્યાં તાજુ ફરસાણ મળતું હોય ત્યાંથી જ ખરીદી કરો

સળગતા સવાલ 

પોતાના આર્થિક લાભ માટે લોકોના સ્વાસ્થ્ય સાથે ચેડા કેમ ?
લોકોના સ્વાસ્થ્ય સાથે ચેડા ક્યારે અટકશે ?
કોના પીઠબળથી આવા લોકોને સ્વાસ્થ્ય સાથે ચેડા કરવાનુ સાહસ મળે છે?
દાખલારૂપ કાર્યવાહી નથી થતી માટે આવા ગોરખધંધા ધમધમી રહ્યા છે ?
રાજ્યભરમાં આવા કેટલા લેભાગૂ તત્વો આ પ્રકારની હાટડીઓ ચલાવી રહ્યા હશે ?
આરોગ્ય વિભાગ જો યોગ્ય તપાસ કરે તો અનેક લોકોની કરતૂતો સામે ન આવી શકે ?