રાજકોટમાંથી પોલીસે ડોક્ટર શ્યામ રાજાણીની ધરપકડ કરી હતી. શ્યામ રાજાણીની ધરપકડ બાદ પૂર્વ પત્ની કરિશ્માની એક ઓડિયો ક્લીપ વાયરલ થઈ હતી. આ ઓડિયો ક્લીપમાં કરિશ્માએ આરોગ્ય વિભાગના અધિકારીઓ પર આક્ષેપ કર્યા હતા.
ત્યારે હવે આરોગ્ય વિભાગના અધિકારી પંકજ રાઠોડે પ્રતિક્રિયા આપતા કરિશ્માના આરોપ ફગાવ્યા હતા. આ દરમિયાન તેમણે જણાવ્યુ કે કરિશ્મા આરોગ્ય વિભાગમાં કરારબદ્ધ કર્મચારી છે અને માનસિક સ્થિતિ ખરાબ હોવાના કારણે રજા પર છે.
ત્યારબાદ તેમણે શ્યામ રાજાણી પર પ્રતિક્રિયા આપતા જાણાવ્યુ છે કે ડોક્ટર શ્યામ રાજાણીએ તમામ ડોક્યુમેન્ટસના આધારે રજીસ્ટ્રેશન કરાવ્યું. હાલમાં આરોગ્ય વિભાગ દ્વારા શ્યામ રાજાણીએ આપેલા તમામ ડૉક્યુમેન્ટ્સની તપાસ કરવામાં આવી રહી છે. આ સાથે જ તેમણે જણાવ્યુ કે મારી શ્યામ રાજાણી સાથે ક્યારેય પણ મુલાકાત થઈ નથી.
રાજકોટના DCP એ યોજી હતી પ્રેસ કોન્ફ્રન્સ
ઉલ્લેખનીય છે કે ડોક્ટર દ્વારા યુવકને માર મારવાના મામલે રાજકોટના DCPએ પ્રેસ કોન્ફ્રન્સ કરી હતી. તેમને કહ્યું હતું કે ડોક્ટરની ડિગ્રી હોમિયોપેથિકની હોવાનુ બહાર આવ્યું છે. આ ઉપરાંત મયૂર મોરી મામલે ડોક્ટરની પૂછપરછ કરાઈ રહ્યું છે. ડોક્ટરની પૂર્વ પત્નીની પણ પૂછપરછ કરાઇ રહી છે. હોસ્પિટલમાં CCTV સહિતના નિયમોની તપાસ કરાઈ રહી છે.
કારણે કે તપાસમાં સીસીટીવી કેમેરા બંધ હોવાની માહીતી મળી છે. આ ડોક્ટર પાસે MBBSની ડિગ્રી નથી. પોલીસે વધુમાં કહ્યું કે મયુર અને શ્યામના સંબંધને લઇ તપાસ કરાઈ રહી છે. મારામારી કરતા યુવાનો વીડિયોમાં દેખાતા 2 યુવકોને લઇને પૂછપરછ કરાઈ રહી છે.
પોલીસે ડો.શ્યામ રાજાણી સહિત 3ની અટકાયત કરી
આ મામલે પોલીસે ડોક્ટર શ્યામ રાજાણી સહિત 3 લોકોની અટકાયત કરી હતી. સાથે જ પોલીસે ગાડીમાં બેસી રહેલા ચોથા યુવક રાજુની શોધખોળ શરૂ કરી છે. તમામ આરોપીઓને અલગ અલગ રાખી પોલીસ દ્વારા પૂછપરછ કરવામાં આવી રહી છે. મહત્વનુ છે કે છેલ્લા 22 દિવસથી મયુર ગુમ છે. ત્યારે હવે મયુરનો એક વીડિયો વાયરલ થયો છે. આ વીડિયોમાં 4 શખ્સો મયુરને માર મારતા દેખાઈ રહ્યા છે.