મહામારી સમયે કોર્પોરેટ હોસ્પિટલની લૂંટશાહી ચાલી રહી છે. કોરોના માટેના દર્દીઓ હોસ્પિટલો માટે ટંકશાળ સમાન છે. રાજકોટની HCG હોસ્પિટલે શંકાસ્પદ કોરોના દર્દી પાસે દાખલ કરવાના 1 લાખ માગ્યા હતા. આ સમગ્ર ઘટનાની ઓડિયો વાયરલ થઈ છે.
શું છે મામલો?
મહિલા દર્દી કિરણબેન 50 હજાર રૂપિયા સાથે લઈને HCG હોસ્પિટલ ગયા હતા. HCG હોસ્પિટલે 50 હજારમાં દાખલ નહી કરવાનું કહીને 1 લાખ માગ્યા હતા. 1 લાખ રૂપિયા જમા કરાવો તો જ દર્દીને દાખલ કરવાની HCG હોસ્પિટલની બેરહેમી દાખવી હતી. હજુ તો HCG હોસ્પિટલે કોરોનાના દર્દીનો રિપોર્ટ પણ નથી કરાવ્યો અને 1 લાખ માગ્યા હતા.
ઓડિયો રેકોર્ડિંગ થયું વાયરલ
ત્યારે લોકોમાં ચર્ચા જાગી છે. કે, મુખ્યમંત્રીના શહેર રાજકોટમાં કોર્પોરેટ હોસ્પિટલ્સ બેફામ થઈ રહી છે. કોર્પોરેટ હોસ્પિટલ HCGને રાજકોટમાં રોકનારૂં કોઈ નથી અને લાજશરમ પણ નથી? દર્દીએ હોસ્પિટલમાંથી તેમના એક સગાને ફોન કર્યો અને વ્યથા કહી હતી. દર્દીના સગાએ હોસ્પિટલના રિસેપ્શન પર ફોન કરીને કોલ રેકોર્ડ કર્યો હતો. મહામારી સામે કેવી રીતે લડીશું તે સવાલ ઓડિયો રેકોર્ડિંગ પરથી સાબિત થાય છે
સળગતા સવાલ
મહામારી વચ્ચે હોસ્પિટલો કેમ આવો તોડ કરે છે?
કોવિડનો ટેસ્ટ કર્યા પહેલા જ કેમ હોસ્પિટલે લાખ રૂપિયા જમા કરાવડાવ્યા?
HCG હોસ્પિટલ સામે તવાઈ કેમ નહી?
શું હોસ્પિટલની ફરજ નથી કે પહેલા ટેસ્ટ કરે?