રાજ્યની શાળાઓમાં કામ કરાવવા જેવી ઘટનાઓ સામે આવતી હોય છે ત્યારે હવે રાજકોટની એક સરકારી શાળામાં વિદ્યાર્થિનીઓને સજા આપતા મહિલા આચાર્ય દ્વારા 15 વિદ્યાર્થિનીઓના વાળ કાપવાની ઘટના સામે આવી હતી. વિદ્યાર્થિનીઓએ બે ચોટલી ન વાળતા સંચાલકે આ સજા ફટકારી હતી.
બે ચોટલા વાળી શાળાએ નહીં આવનાર વિદ્યાર્થિનીઓના વાળ કાપી નાખ્યા હતા
મહિલા આચાર્યએ શિક્ષણ સમિતિ સામે કબૂલી ભૂલ
વાળ કાપવાની ઘટનાથી ડઘાયેલા વાલીઓ હોબાળો મચાવ્યો હતો
રાજકોટની મ્યુનિસિપલ કોર્પોરેશનની શાળા નંબર 1માં વિદ્યાર્થિનીઓ પર અત્યાચાર થયો હોવાની ફરિયાદ ઉઠી હતી. આ શાળાના મહિલા આચાર્ય હેતલબેને આ વાતની કબૂલાત કરી હતી. 15 વિદ્યાર્થિનીઓના વાળ કાપ્યા હોવાની વાત સામે આવી છે. વિદ્યાર્થિનીઓએ બે ચોટલી ન વાળતા સંચાલકે આ સજા ફટકારી હતી.
મેં વિદ્યાર્થિનીઓને શિસ્તમાં રાખવા માટે વાળ કાપ્યા હતાઃ મહિલા આચાર્ય
આ મામલે વાલીઓએ આ મામલે શિક્ષણ સમિતિને ફરિયાદ કરી હતી અને ત્યાર બાદ આ ખુલાસો થયો હતો. જોકે આ મામલે મહિલા આચાર્યએ ભૂલ સ્વીકારી હતી. તેમણે કહ્યું હતું કે, મારાથી ભૂલ થઇ છે જે હું સ્વીકારું છું, ભવિષ્યમાં આ પ્રકારની ભૂલ ન થાય તેની તકેદારી રાખીશ. મેં વિદ્યાર્થિનીઓને શિસ્તમાં રાખવા માટે જ વાળ કાપ્યા હતા.
2 વિદ્યાર્થીનીઓના થોડા વાળ કાપ્યાઃ શિક્ષણ સમિતિ
વાલીઓની શિક્ષણ સમિતિને ફરિયાદ બાદ સમિતિએ તપાસ કરી હતી. આ મામલ શિક્ષણ સમિતિએ જણાવ્યું હતું કે, 2 વિદ્યાર્થીનીઓના થોડા વાળ કાપ્યા હતા.