કૌભાંડ / રાજકોટમાં સસ્તા અનાજની દુકાનોમાં કૌભાંડ દોર યથાવત, 4 દુકાનોના લાયસન્સ રદ

• રાજકોટ સસ્તા અનાજની દુકાનોમાં કૌભાંડ
• 4 દુકાનોમાં કલેક્ટરના દરોડા
• બારોબાર અનાજ વેચવાનો ઘટસ્ફોટ

રાજકોટમાં સસ્તા અનાજની વધુ 4 દુકાનોમાં કૌભાંડ સામે આવ્યું છે. જેમાં ફિંગર લીધા વિના જ બારોબાર અનાજ વેચવાનો ઘટસ્ફોટ થયો છે. ત્યારે કૌભાંડ સામે આવતા 4 દુકાનોના લાયસન્સ 90 દિવસ માટે સસ્પેન્ડ કરવામાં આવ્યા છે.

અગાઉ 2 દિવસ પહેલા પણ બજરંગ વાડી વિસ્તારમાંથી કૌભાંડ ઝડપાયું હતું. ત્યારે ફરી એક વખત 4 દુકાનમાં અનાજ સગેવગે કરવાનું સામે આવતા હજુ મોટું કૌભાંડ બહાર આવે તેવી શક્યતા છે. જેને લઇ કલેક્ટર અને પુરવઠા વિભાગ દ્વારા તપાસ ચાલું કરાઇ છે. 

સળગતા સવાલ 

• કેટલા સમયથી ચાલે છે સસ્તા અનાજની દુકાનોમાં કૌભાંડ?
• રાજકોટમાં હજુ આવી કેટલી દુકાનોમાં કૌભાંડ ચાલે છે?
• માત્ર 90 દિવસ લાયસન્સ સસ્પેન્ડ કરવાથી શું થશે?
• આવા લોકોના કાયમી લાયસન્સ કેમ સસ્પેન્ડ નથી કરાતા?
• આ કૌભાંડના તાર ક્યાં સુધી જોડાયેલા છે?
• બાયોમેટ્રિક વ્યવસ્થા બાદ પણ કૌભાંડ શક્ય છે?
• કૌભાંડ ન થાય તેવી જડબેસલાક વ્યવસ્થા ક્યારે?