રાજકોટમાં આજે આરોગ્ય વિભાગ અને મહેસૂલ વિભાગના કર્મચારીઓએ વિરોધ નોંધાવ્યો હતો. આરોગ્ય વિભાગના કર્મચારીઓએ જીલ્લા પંચાયતથી ધર્મસિનેમા થઈને ફરી જીલ્લા પંચાયત સુધી વિશાળ રેલીનું આયોજન કર્યુ. પગાર વધારો, ગ્રેડ પે સુધારો સહિતની 13 જેટલી માગને લઈને કર્મચારીઓએ વિરોધ નોંધાવ્યો હતો.
રાજકોટમાં કર્મચારીઓનું વિરોધ પ્રદર્શન
મહેસૂલ- આરોગ્યના કર્મચારીઓ રસ્તા પર
વિવિધ માગને લઈને કર્મચારીઓનો વિરોધ
નોંધનીય છે કે, 10 મહિના પહેલા કર્મચારીઓએ વિરોધ કરતા સરકાર બાહેધારી આપી હતી. જોકે સરકાર દ્વારા માગણી સંતોષવામાં ન આવતા કર્મચારીઓએ ફરી વિરોધ કર્યો હતો. તો બીજી તરફ મહેસૂલ વિભાગના કર્મચાીઓએ નાયબ મામલતદારોની ખાલી જગ્યા ભરવા, પગાર વધારો સહિતની 17 માગને લઈને વિરોધ કર્યો.
કર્મચારીઓએ ભારે સૂત્રોચ્ચાર કરીને વિરોધ નોંધાવ્યો
કલેકટર કચેરી પાસે કર્મચારીઓએ ભારે સૂત્રોચ્ચાર કરીને વિરોધ નોંધાવ્યો હતો. અગાઉ સરકાર દ્વારા 45 દિવસની બાહેધારી આપી હતી. જોકે સરકાર દ્વારા પ્રશ્નોનું નિરાકરણ કરાયુ નથી. જેના કર્મચારીઓએ વિરોધ કર્યો.