ગૃહિણીઓ માટે માઠાં સમાચાર રસોડામાં મરચાની તીખાશ દઝાડશે

રાજકોટ: રાજ્યમાં ઓછા વરસાદના કારણે ખેડૂતોને પરેશાની ભોગવવાનો વારો આવ્યો છે. દેશભરમાં પ્રખ્યાત ગોંડલના રેશમ પટ્ટા રંગ સુગંધ સ્વાદને લઈને પ્રખ્યાત છે. રેશમના પટ્ટાની માગ દેશભરમાં રહે છે. રાજ્યમાં ઓછા વરસાદના પગલે મરચાના ઉત્પાદન પર અસર જોવા મળી છે. 

ઓછા વરસાદના કારણે રેશમના પટ્ટામાં 35 ટકાનો ઘટાડો થયો છે. દેશભરમાં રાજસ્થાન મધ્યપ્રદેશ સહિતના રાજ્યોમાં મરચાની ખરીદી કરવાની સીઝનની શરૂઆત થઈ છે. ત્યારે ગોંડલ માર્કેટિંગ યાર્ડમાં પ્રથમ દિવસથી જ 60 હજાર જેટલા મરચાની આવકની શરૂઆત થઈ છે.

ઉલ્લેખનીય છે કે મરચાની સીઝનની શરૂઆતથી જ ભાવ 1400 થી 1700 સુધી બોલાય છે. જોકે કુદરતી વાતાવરણના બદલાવ અને ઓછા વરસાદના પગલે ઉત્પાદનમાં પણ ઘટાડો થયો છે.

જેના પગલે આ ભાવ બે ગણા થવાની શક્યતા છે. ગોંડલ અને આસપાસના વિસ્તાર માં થતાં આ રેશ્મ પટ્ટો મરચા તેના સ્વાદ સુગંધ રંગ. લોકો ને હંમેશા આકર્ષે છે.

જેને લઇને તેની દેશભરમાં ભરપૂર માંગ રહે છે અહીંથી રાજસ્થાન મધ્યપ્રદેશ સહીત ના રાજ્યો અહીં મરચાની ખરીદી કરવા માટે સીઝનની શરૂઆતથી જ ધામા નાંખે છે અને સીઝન પુરી થતાં સુધીમાં હજારો ટન મરચા અહીં થી ખરીદીને પોતાના રાજ્યમાં લઇ જાય છે.