રાજકોટ / સતત ત્રીજા દિવસે સિંગતેલના ડબ્બાના ભાવમાં જોવા મળ્યો ઘટાડો

• મગફળીની આવક શરુ થતા તેલના ભાવમાં ઘટાડો
• આજે સિંગતેલના ભાવમાં 10 રૂપિયાનો ઘટાડો
• સિંગતેલમા એક અઠવાડિયામાં 50 રુપિયાનો ઘટાડો 

તહેવાર પહેલા સિંગતેલના ભાવમાં ફરી ઘટાડો

છેલ્લા થોડા દિવસથી સતત સિંગતેલના ભાવાં ઘટાડો જોવા મળી રહ્યો છે. આજરોજ ફરી 10 રૂપિયા ઘટાડો સિંગતેલમાં જોવા મળ્યો છે. જેને ડબ્બાનો ભાવ 1800ની આસપાસ પહોંચી ગયો છે. આમ સિંગતેલના ભાવમાં ઘટાડો થતાં ગૃહણીઓ માટે રાહતના સમાચાર મળ્યાં છે. 

આગામી સમયમાં ઘટાડો થાય તેવી શક્યતા

રાજ્યમાં થયેલા સાનુકૂળ વરસાદ બાદ મગફળીની આવક શરૂ થતાં તેલના ભાવમાં ઘટાડો જોવા મળ્યો છે. જેમાં છેલ્લા એક અઠવાડીયાની અંદર 50 રૂપિયાનો ઘટાડો નોંધાયો છે. આમ હજુ પણ આગામી સમયમાં ભાવમાં ઘટાડો થાય તેવી શક્યતા છે.  

છેલ્લા અઠવાડિયામાં સિંગતેલમાં જોવા મળ્યો ઘટાડો

ગઇકાલે સિંગતેલના ભાવમાં 10 રૂપિયાનો ઘટાડો જોવા મળ્યો હતો. જ્યારે અગાઉ થોડા દિવસ પહેલા 20 રૂપિયાનો ઘટાડો થયો હતો. આમ માર્કેટ યાર્ડમાં નવી મગફળીની આવકના પગલે સીંગતેલના ભાવમાં ઘટાડો જોવા મળી રહ્યો છે.