રંગીલું રાજકોટ આમ તો દરેક ક્ષેત્રમાં પોતાની અનોખી ઓળખ ઉભી કરે છે. રાજકોટ માત્ર વેપાર ધંધાનું જ હબ નહીં. પરંતુ ખાણીપીણીનું હબ પણ ગણાય છે. સાથે જ પાન-માવા માટે પણ તો ગુજરાતમાં અગ્રેસર છે. તેમાં પણ રાજકોટનો માવો હોય કે, સળગતું પાન દેશ-વિદેશથી આવતા મહેમાનોને હંમેશા તાળે વળગ્યું છે. તેવામાં હવે એક રાજકોટના જ પાનવાળાનો અમેરિકાના પાનવાળા સાથે ડખો થઈ ગયો છે. જે ડખો સોશિયલ મીડિયામાં ચર્ચાનું કારણ બન્યો છે. ત્યારે આ રાજકોટના પાનની મજા પણ લો...
રાજકોટના પાનવાળાની અમેરકિા સુધી બોલબાલા
15 રૂપિયાથી 18 હજાર સુધીનું મળે છે પાન
પાન માટે લાગે છે લાઈન
આ બનારસવાલા તો નહીં પરંતુ રાજકોટના પાનવાળાની બોલબાલા છે. કારણ કે, તેના પાનના તો સૌકોઈ ફેન છે. એવું પાન જેને જોતા જ તમારા મોઢામાં પાણી આવી જાય છે. તો અંદાજ લગાવો કે, મોઢામાં મુકતા જ તેનો સ્વાદ કેટલો ખતરનાક હશે.
MR.PAANWALA રાજકોટ ફેમસ કેમ?
રાજકોટમાં લોકપ્રિય મિસ્ટર પાનવાળા પાસે 15 રૂપિયાથી લઈને 18 હજાર રૂપિયા સુધીનું પાન મળે છે. જેમાં લગ્ન માટેના પાનની કિંમત 18 હજાર રૂપિયા છે. જેમાં ખાસ કરીને સોનાની વરખવાળા મિઠા મસાલાવાળા પાન, 300 ગુલાબ, ડ્રાઈફ્રૂટ પણ નાખેલા આવે છે.
હવે પાનની મજા પણ લો
આ પાનમાં જેમ્સ, મીઠા આંબળા, કીવી, ચોકલેટ, ગુલકન, ડ્રાઈફૂટ, તૂટીફ્રૂટી, ચેરી, ટોપરું સહિત અનેક વસ્તુઓ છે. અમને પણ એટલા બધા નામતો નથી આવડા જે મિસ્ટર પાનવાળા વાપરે છે. જોકે અહીં વાત રહી અમેરિકન કંપનીની કાર્યવાહીની ધમકીની તો ભાઈ પાનવાળા તેનાથી ડરતા નથી. એટલે ડખો દૂર થવાનો હશે ત્યારે થશે. પણ રાજકોટ જાઓ તો પાન ખાધા વિના આવતા નહીં.
રાજકોટના મિસ્ટર પાનવાલાનો અમરિકાના મિસ્ટર પાનવાલા સાથે ડખો
સ્વાદની જ વાત આવી છે. ત્યારે એ પણ જાણી લો કે, ભાઈ પાનવાળાનો ડંકો તો અમેરિકા સુધી ગુંજ્યો છે. કારણ કે, ભાઈના ફેમસ નામ પર અમેરિકાથી દાવો મંડાણો છે. અત્યાર સુધી આપણે કોઈ વસ્તુ, કોઈ બ્રાન્ડ કે કોઈ કંપનીના નામના કોપીરાઈટ વિશે સાંભળ્યું છે. પરંતુ પ્રથમ વખત રાજકોટમાં સાંભળવા મળ્યું પાનવાળા કોપીરાઈટ. રાજકોટના મિસ્ટર પાનવાળાની દુકાનને લઇને વિવાદ સર્જાયો છે. આ દુકાન રાજકોટના સર્વેશ્વર ચોકમાં ચાલે છે. આ જ મિસ્ટર પાનવાળા રાજકોટના માલિક સામે અમેરિકાની કંપની મિસ્ટર પાનવાળાએ નામ અને તેમાં વપરાયેલું ચિન્હ તેમનું હોવાનો દાવો કર્યો છે. જોકે રાજકોટના આ વેપારીએ આ દાવાને ફગાવ્યો છે.
જોકે આ રાજકોટના મિસ્ટર પાનવાલા દુકાન પર પાન માટે લાઈન લાગે છે. રાજકોટ જાઓ તો પાન ખાવાનું ન ભૂલી જતા કારણ કે રંગીલા રાજકોટની આ પણ એક ઓળખ છે. આવું પાન બીજે ક્યાંય નહીં મળે હો...