રાજકોટ પૂર્વ બેઠક ગુપ્ત મતદાનને લઈ વિવાદમાં; એક યુવક ભાજપના ઉમેદવાર ઉદય કાનગડ મત આપે છે તેમજ જય સરદાર લખેલી ચિઠ્ઠી EVM પર મૂકતાનો વીડિયો વાયરલ
રાજકોટ પૂર્વ બેઠક ગુપ્ત મતદાનને લઈ વિવાદમાં
યુવક મત આપતાનો વીડિયો વાયરલ
EVM પર યુવકે જય સરદાર લખેલી ચિઠ્ઠી પણ મૂકી
આજે સૌરાષ્ટ્ર-કચ્છ અને દક્ષિણ ગુજરાતની 89 બેઠકો પર મતદાન પ્રક્રિયાનો સમય પૂર્ણ થયો છે. રાજ્યના 19 જિલ્લાના 25 હજાર 430 મતદાન મથકો પર પ્રથમ તબક્કાનું મતદાન યોજાયું હતું. પ્રથમ તબક્કાની 89 બેઠકો પર કુલ 788 ઉમેદવારો મેદાનમાં હતા. આ 788 ઉમેદવારોનું ભાવિ આજે EMVમાં કેદ થયું છે. આગામી 8મી ડિસેમ્બરના રોજ મતગણતરી હાથ ધરવામાં આવશે. રાજકોટ પૂર્વ બેઠક ગુપ્ત મતદાનને લઈ વિવાદમાં આવી છે
રાજકોટ પૂર્વ બેઠક મતદાનને લઈ વિવાદ
મત આપવો તમામ નાગરિકોની ફરજ છે પરંતુ મતદાન એ ગુપ્ત રીતે થવુ પણ આવશ્યક હોય છે. અમુક વ્યક્તિઓને જાણે અલગ પ્રકારના અંદોજો હોય તેમ તે કોને મત અપ્યો તે બતાવતાની કોશિષ કરતા હોય છે પરંતુ આજે મતદાનને લઈ એક નવો જ વીડિયો સામે આવ્યો છે જેમાં એક યુવક ભાજપના ઉમેદવાર ઉદય કાનગડ મત આપે છે તેમજ જય સરદાર લખેલી ચિઠ્ઠી પણ EVM પર મૂકે છે.
ક્યાંનો છે વીડિયો
આ વીડિયામાં EVMમાં ભાજપના ઉમેદવાર ઉદય કાનગડને મત આપતો જોવા મળે છે જેના પરથી જાણી શકાય છેસ કે, વીડિયો રાજકોટ પૂર્વ વિધાનસભા મતક્ષેત્રનો છે. જે વીડિયોને લઈ અનેક તર્ક વિતર્ક શરૂ થયાં છે. એ યુવક પોતે મત આપે છે ત્યારે બાદ જય સરદાર લખેલી ચિઠ્ઠી પણ EVM મુકતો વીડિયોમાં નજરે ચડે છે.