વ્યવસ્થા / રાજકોટમાં જ દરરોજ 16 લોકોને કરડી રહ્યા છે શ્વાન, સરકારે હોસ્પિટલમાં શરૂ કરવી પડી આ વ્યવસ્થા

• રાજકોટમાં શ્વાન કરડવાના વધતા કેસોને લઈ તંત્ર એલર્ટ
• રાજકોટ સિવિલ હોસ્પિટલમાં ખાસ વોર્ડની સુવિધા કરાશે
• ઓપીડી બિલ્ડિંગમાં રેબિસ ક્લિનીક શરૂ કરવામાં આવશે

રાજકોટમાં સ્વાન નો આતંક આસમાને જોવા મળી રહ્યો છે અને ડોગબાઇટના કિસ્સાઓમાં ચિંતાજનક ઉછાળો આવી રહ્યો છે આવી સ્થિતિ વચ્ચે તંત્ર દ્વારા ખાસ વ્યવસ્થા કરવામાં આવી છે જેમાં રાજકોટ શહેરમાં આવેલી સિવિલ હોસ્પિટલમાં આ માટે એક ખાસ વોર્ડની સુવિધા ઉભી કરવામાં આવી છે. આ સુવિધા સિવિલ હોસ્પિટલના ઓપીડી બિલ્ડિંગમાં રેબિસ ક્લિનિક શરૂ કરવામાં આવશે. ઉલ્લેખનીય છે કે રાજ્ય સરકાર દ્વારા જિલ્લામાં રેબિસ ક્લિનીક ફાળવવામાં આવ્યા છે. જે આગામી દિવસોમાં શરૂ કરવામાં આવશે.

શહેરમાં શ્વાન કરડવાના કેસમાં વધારો

રાજકોટ સહિત રાજ્યમાં હાલની સ્થિતિ રિપોર્ટ અનુસાર શહેરમાં શ્વાન કરડવાના કેસમાં દિવસેને દિવસે નોંધપાત્ર વધારો થતો જોવા મળી રહ્યો છે.રાજકોટમાં જ દરરોજ 16 લોકોને કરડી રહ્યા શ્વાન છે જેમાં કેસના આંકડાની વાત કરીએ તો ડિસેમ્બર 2022માં 330, જાન્યુઆરી 2023માં 357 અને ફેબ્રુઆરી 2023માં 429 કેસ શ્વાન કરડવાના નોંધાયા છે.

ઓપીડી બિલ્ડીંગમાં રેબિસ ક્લિનિક

બીજી બાજુ રાજકોટ શહેરમાં વધતા ડોગ બાઈટના કેસને લઇ તંત્ર પણ એલર્ટ થઈ ગયું છે.રાજ્ય સરકાર દ્વારા રાજકોટ જિલ્લામાં રેબીસી ક્લિનિક ફાળવવામાં આવ્યું છે. જેના પગલે હવે આગામી દિવસોમાં રાજકોટની સિવિલ હોસ્પિટલમાં ઓપીડી બિલ્ડીંગમાં રેબિસ ક્લિનિક શરૂ કરવામાં આવશે.