રાજકોટઃ જિલ્લા પંચાયતની સામાન્ય સભા યોજાઈ હતી. આ સભામાં દરેક સમિતિના 2-2 નામોનો પ્રસ્તાવ મુકાયો હતો. આ સભામાં બળવારોપ જૂથના નામોને સહમતી મળી છે. જ્યારે કોંગ્રેસના જૂથને ઓછા મત મળ્યા છે. આ સભામાં કોંગ્રેસના 13 મત અને બળવાખોર જૂથને 22 મત મળ્યા છે.
આ સામાન્ય સભામાં પંચાયતના કારોબારી સમિતિમાં 9 સભ્યોના નામ જાહેર કરવામાં આવ્યા છે. આ સભામાં બળવાખોર જૂથના 22 સભ્યો હાજર રહ્યા હતા. જ્યારે કોંગ્રેસ પાસે કુલ 14 સભ્યો હતા. જેમાથી 1 સભ્ય બીમાર પડતા 13 સભ્યો હાજર રહ્યા હતા.
ઉલ્લેખનીય છે કે કોંગ્રેસ શાસિત જિલ્લા પંચાયત કબજે કરવા માટે ભાજપ મથામણ કરી રહ્યું હતું છે. ત્યારે આજે ભાજપ અને કોંગ્રેસના પારખા થયા છે. જેમાં કોંગ્રેસના જૂથને ઓછા મત મળ્યા છે.