બળાપો / રાજકોટ જિલ્લા સંકલન: બાવળિયાએ બળ દેખાડ્યું તો બેઠક રદ્દ, પૂર્વ મંત્રીએ મીટિંગ પહેલા લગાવી હતી 60 પ્રશ્નોની વણઝાર

• 20મી નવેમ્બરે યોજાનાર બેઠક પહેલા પૂર્વ મંત્રી બાવળિયાએ બળાપો કાઢ્યો હતો
• રાજકોટ જિલ્લા સંકલન સમિતિની બેઠક રદ્દ 
• બેઠક રદ્દ થતા અનેક તર્કવિતર્ક

પૂર્વ મંત્રી કુંવરજી બાવળિયાએ બેઠક પહેલા કરેલા પ્રશ્નો બાદ રાજકોટ જિલ્લા સંકલન સમિતિની બેઠક જે 20મી નવેમ્બરે એટલે કે કાલે મળવાની હતી તે રદ્દ થઈ છે. મહત્વનું છે કે શનિવારના રોજ કલેક્ટર કચેરી ખાતે જિલ્લા સંકલનની બેઠક મળવાની હતી જેમાં પડતર કામોને ચૂંટણી પહેલા નીપટાવવા અંગે પણ ચર્ચા થવાની હતી પણ પૂર્વ મંત્રી બાવળિયાએ પોતાન મત વિસ્તારમાં ન થયેલા કામોનો પિટારો ખોલી અનેક સવાલો સમિતિ સામે કર્યા હતા. જે બાદ બેઠક હાલ પૂરતી રદ્દ કરી પૂર્વ મંત્રીજીના રોષને ઠાળવામાં આવ્યો છે. પણ બીજી તરફ પોતે તત્કાલીન મંત્રી હોવા છતાં પણ આટલા બધા કામ પેન્ડિંગ રહેતા ચૂંટણી આવી એટલે કામ યાદ આવ્યાનો બાવળિયા પર આરોપ પણ લાગી રહ્યો છે.જો કે કાલે સી આર પાટીલના રાજકોટ પ્રવાસને લઈને પણ આ બેઠક કેન્સલ કરાઇ હોય તેવો અંદાજો લગાવી શકાય.

મંત્રી હતા ત્યારે કામ ન થયા એ મોટો સવાલ
કુંવરજી બાવળિયાએ રાજકોટ જીલ્લા ફરિયાદ નિવારણ સમિતિની આગામી 20 મીએ યોજાનારી બેઠક પૂર્વે એક પછી એક મળી કુલ 60 પ્રશ્નોનો મારો બોલાવ્યો હતો. કુંવરજી જે પ્રશ્નો કર્યા તે જુના છે. મોટાભાગના  કુંવરજી જ્યારે મંત્રી પદે હતા તે સમયના છે. તેમના ક્ષેત્રના આટ આટલા પ્રશ્નો છતાંય તેમના મંત્રી પદના કાર્યકાળમાં પૂરા ન થયા અને હવે ચૂંટણી સામે આવતા તંત્ર પર બળાપો કાઢી રહ્યા હોવાનો અંદરખાને આરોપ પણ થઈ રહ્યો છે.

કુંવરજીભાઈ બાવળિયા તંત્રને પૂછેલા આકરા સવાલો
1.    શિવરાજપુરમાં માધ્યમિક શાળાના બાંધકામ માટે જમીન મેળવવા લાંબા સમયથી પ્રયત્નો ચાલે છે, સાર્વજનિક પ્લોટનો ઠરાવ ડીડીઓને મોકલ્યો, ઉકેલ નથી આવતો કારણ ?
2.    વિંછીયા તાલુકાના ગામોમાં ધારાસભ્ય ગ્રાન્ટમાંથી પીનાજારા મુકવા ગ્રાન્ટ ફાળવી પણ લાંબા સમયથી આ કામગીરી હાથ નથી ધરાઈ કારણ ?
3.    વિંછીયા અને જનકા ગમે રમતગમત નું મેદાન ફાળવવા દરખાસ્ત થઇ , ગ્રામપંચાયત નો ઠરાવ પણ  થયો છે ઉકેલ નથી આવતો કારણ ?
4.    જસદણ સબ ડીસ્ટ્રીકટ હોસ્પિટલને જમીન ફાળવણી કરવા વારંવાર ધ્યાન પર મુકવા છતાં કાર્યવાહી થતી નથી કારણ ??
5.    પ્રધાનમંત્રી આવાસ યોજના, દીનદયાળ આવાસ યોજના લાભાર્થીઓ પાત્રતા ધરાવતા છતાં કેટલાકને રાવળા હક્કમાં જુના મકાન નહિ ચડાવવાથી લાભ આપી શકતા નથી 
6.    આટકોટ આરોગ્ય કેન્દ્રમાં કમ્પાઉન્ડ વોલ ન હોવાથી દબાણ થતું જય છે, PHCની જગ્યા નક્કી કરી દીવાલ બનાવતી નથી કારણ?
7.    વિંછીયા ગામે ગામતળ નીમ કરી જરૂરિયાતમંદોને પ્લોટ અપાતા નથી કારણ?
8.    ભાડલા, દહીસર અને બોઘરાવદરમાં ગામતળ નીમ કરવાની કાર્યવાહી થતી નથી કારણ ?
9.    વિંછીયા તાલુકાના થોરીયાળી, પીંપરડી ગામના રસ્તાનું કામ અધવચ્ચે થી છોડી દીધું છે, સપાટી અતિ ખરાબ છે પણ રીકાર્પેટ કે ડામર કામ કરતુ નથી કારણ ?