રાજકોટ / PSIનું મીસ ફાયરિંગ શંકાના ઘેરામાં! બન્ને બેઠા-બેઠા વાત કરતા હતા તો કપાળમાં ગોળી કેમ વાગી?

• રાજકોટમાં PSIનું મીસ ફાયરીંગ શંકાના ઘેરામાં
• રાજકોટ હત્યાનો મામલોઃ મૃતકના પરિવારે લગાવ્યા આક્ષેપ
• PSI વિરૂદ્ધ હત્યાનો ગુનો દાખલ કરવા માંગ કરી

ગઇકાલે રાજકોટ ખાતે PSI ની રિવોલ્વરમાંથી નીકળેલી ગોળીથી થયેલ હિમાશું નામના યુવકની હત્યાને લઇને ચોંકવનારા ખુલાસાઓ સામે આવી રહ્યાં છે. આ ગોળી છૂટવાના સમયે અન્ય 3 શખ્સોની પણ હાજરી હોવાનું સામે આવ્યું છે. હાલ PSI પી.પી.ચાવડા અને મૃતક હિમાંશુ ગોહેલ વચ્ચે ક્યા પ્રકારના સંબંધો હતા તે અંગે તપાસ ચાલી રહી છે.

મૃતક હિમાંશુ ગોહેલ પોલીસ સ્ટેશનથી નજીક જ સ્પાનો ધંધો ચલાવતો હતો. જો કે પોલીસની પ્રાથમિક તપાસમાં મૃતક અને PSI ચાવડા મિત્રો હોવાનો ખુલાસો થયો છે. ત્યારે  મૃતક યુવકના પરિવારજનોએ પોલીસ પર હત્યાનો આરોપ લગાવ્યો છે. અને PSI સામે હત્યાનો ગુનો દાખલ કરવાની માગ કરી છે. મૃતક યુવકના પિતાએ PSI પર આક્ષેપ કર્યો છે કે મારા પુત્રની હત્યા કરવામાં આવી છે.
 

મૃતકના પરિવારજનોએ કહ્યું કે વનડે ક્રિકેટ મેચની ટિકિટ ખરીદીનું કહીં હિમાંશુને બોલાવામાં આવ્યો હતો. ત્યારે મિસફાયર થાય તો સીધી માથા પર જ ગોળી કેવી રીતે વાગે. મૃતક યુવકના પિતાએ PSI પર આક્ષેપ કર્યો છે કે મારા પુત્રની હત્યા કરવામાં આવી છે. એટલે જ્યાં સુધી PSI સામે ફરિયાદ નોંધવામાં નહીં આવે ત્યાં સુધી મૃતદેહ નહીં સ્વીકારવાનું કહ્યું છે.

ત્યારે રાજકોટમાં PSI ચાવડાનું મીસ ફાયરિંગ શંકાના ઘેરામાં

બન્ને બેઠા-બેઠા વાત કરતા હતા તો કપાળમાં ગોળી કેમ વાગી?
મીસ ફાયરિંગથી કપાળમાં મધ્ય ભાગમાં કેમ વાગી ગોળી?
મીસ ફાયરિંગ વખતે ચોકીમાં કોઇ હાજર કેમ ન હતું ?
ઘટના બની ત્યારે ત્યાં કોઇ પણ કોન્સ્ટેબલ કેમ ન હતો?