રાજકોટ / જૂની અદાવતમાં વિદ્યાર્થિનીનું અપહરણ કરી આચર્યું દુષ્કર્મ

રાજકોટમાં 13 વર્ષીય વિદ્યાર્થિનીનું અપહરણ કર્યા બાદ દુષ્કર્મ આચર્યાની ફરિયાદ નોંધાઇ છે. અગાઉની અદાવતનો બદલો લેવા શખ્સોએ રાજકોટની કેન્દ્રીય વિદ્યાલય પાસેથી વિદ્યાર્થિનીનું અપહરણ કરી અને બોટાદમાં તેની સાથે દુષ્કર્મ આચર્યું. 

દુષ્કર્મ આચર્યા બાદ વિદ્યાર્થિનીને સરધાર પાસે છોડી મૂકી આરોપીઓ ફરાર થઇ ગયા. વિદ્યાર્થિનીના પિતા જ્યારે શાળાએ તપાસ કરવા પહોંચ્યા ત્યારે સમગ્ર ઘટના સામે આવી હતી. વિદ્યાર્થિનીના પિતાએ કેવલ સોંદરવા, શામજી મકવાણા અને ભૂરા સામે ફરિયાદ નોંધાવતા પોલીસે આરોપીની અટકાયત કરી કાર્યવાહી હાથ ધરી છે.