રાજકોટના કલેક્ટરે પત્રકારોને આપેલા ચેકના ફોટા વાયરલ થયા છે. અખબારમાં સારું લખાવવા માટે કલેક્ટરની સહીના ચેક અપાયાની ચર્ચાએ જોર પકડ્યુ છે. ત્યારે VTVએ સીધી કલેક્ટર રેમ્યા મોહન સાથે વાત કરી હતી. જાણો તેમણે વાતચીતમાં આ અંગે શું કર્યો ખુલાસો?
રાજકોટમાં કેટલાક પત્રકારોને કલેક્ટરની સહી વાળા 50-50 હજારના ચેક આપ્યા હોવાની ચર્ચા છે. પ્રજાસત્તાક દિવસની ઉજવણીને લઈને કલેક્ટરે ચેકનું વિતરણ કર્યુ હોવાની ચર્ચાએ જોર પકડ્યુ છે. ઉજવણીને લઈને સારુ લખવા માટે પત્રકારોને ચેક અપાયા હોવાની વાતોના વમળ ઉડ્યા હતા. કલેક્ટર રમ્યા મોહનની સાઈન કરેલા ચેક વાયરલ થયા હતા.
ખુલ્લેઆમ શહેરના ફંડનો દુરુપયોગ
કલેક્ટરે શહેરના ફંડનો ખુલ્લેઆમ કર્યો દુરુપયોગ કર્યો છે. ખાનગી અખબારના એક પત્રકારે ચેક ન સ્વીકારતા મામલો સામે આવ્યો હતો. રાજકોટ દિવ્યભાસ્કરના પત્રકારને પણ ચેક મળ્યાનો દાવો કરાી રહ્યો છે. બરોબર પ્રચાર કરવા ચેક અપાયાનો પત્રકારનો દાવો
VTV સમક્ષ કલેક્ટર રેમ્યા મોહને કર્યો ખુલાસો
"પત્રકારોને અપાયેલા ચેક મામલે લાંચ શબ્દ વાપરવો તે ખોટું છે"
"ચેકથી ક્યારે પણ લાંચ અપાતી નથી"
"ઉજવણી માટે પબ્લિસિટીના કારણે ચેક અપાયા હતા"
"ઉજવણીને લઈને બેંકમાં એક ખાતું ખોલાવાયું હતું"
"પબ્લિસિટીને લઈને દાતાએ રૂપિયા આપ્યા હતા"
"પત્રકારોને અપાયેલા ચેક પ્રજાના પૈસા નથી"
"ચેક મામલે મીડિયામાં ખોટી દિશામાં ચર્ચા થઈ રહી છે"
"લોકભાગીદારી માટે અલગથી ખાતું ખોલવામાં આવ્યુ હતુ"
"આમાં કંઈ ખોટું થયું નથી બધુ જ ક્લીયર છેઃ"
"કોને કોને ચેક અપાયા તે વિશે મને યાદ નથી"
"આ મામલે કોઈ ખુલાસો કરવાની વાત જ નથી"
"લોકોના હિત માટે ઉજવણી કરાઈ, તેની પબ્લિસિટી કરાઈ છે"