રાજકોટ / મુખ્યમંત્રી ભૂપેન્દ્ર પટેલે પૂર્વ CM વિજય રૂપાણીના ઘરે માણી આયુર્વેદિક ચાની મજા, જુઓ VIDEO

• CM ભૂપેન્દ્ર પટેલ રાજકોટની મુલાકાતે
• પૂર્વ મુખ્યમંત્રી વિજય રૂપાણી સાથે CM પટેલે કરી શુભેચ્છા મુલાકાત

67 વર્ષથી નામના ધરાવતી રાજકોટ ચેમ્બર ઓફ કોમર્સ એન્ડ ઈન્ડસ્ટ્રીઝનો સભ્ય પરિવારના સ્નેહમિલનનો કાર્યક્રમ યોજવામાં આવ્યો હતો. જે માટે સીએમ ભૂપેન્દ્ર પટેલ પણ આજે રાજકોટ પહોંચ્યા હતા. જ્યાં ચેમ્બરના કાર્યક્રમમાં ગયા તે પહેલા પૂર્વ સીએમ રૂપાણીના ઘરે તેઓ ગયા હતા. CM ભૂપેન્દ્ર પટેલે ત્યાં પૂર્વ મુખ્યમંત્રી વિજય રૂપાણી સાથે મુલાકાત કરી હતી. તેમજ સાથે ચાની ચૂસકી પણ  માણી હતી.  CM ભૂપેન્દ્ર પટેલની સાથે મંત્રી અરવિંદ રૈયાણી પણ ઉપસ્થિત રહ્યા હતા. રૂપાણીના પત્ની અંજલીબેને આયુર્વેદિક ચા હાજર સૌ કોઈને પીવડાવી હતી.

હવે પરંપરા નિભાવવાનો તમારો વારો: ચેમ્બરના સભ્યોને સંબોધતા CM ભૂપેન્દ્ર પટેલ 
રાજકોટ ચેમ્બર ઓફ કોમર્સ એન્ડ ઇન્ડસ્ટ્રીઝના સભ્ય પરિવારને સંબોધન કરતા સીએમ ભૂપેન્દ્ર પટેલે કહ્યું હતું કે લોકો વરસાદની રાહ જોતા હોય છે, આપણા કાર્યક્રમથી વરસાદની શરૂઆત થઈ તે ગૌરવ લેવા જેવી વાત છે.ચેમ્બરના સ્નેહમિલનમાં મુખ્યમંત્રી આવે એ પરંપરા છે મૈ આવીને તેને નિભાવી છે. હવે તમારો વારો છે. અમને શું જોઈએ છીએ એ તમને બધી જ ખબર છે. ફરી તમારી પરંપરા નિભાવવા આવી શકીએ તે માટે તૈયારી શરૂ કરી દેજો.

રાજકોટઃ CM ભૂપેન્દ્ર પટેલ રાજકોટની મુલાકાતે, પૂર્વ મુખ્યમંત્રી વિજય રૂપાણી સાથે કરી મુલાકાત, મંત્રી અરવિંદ રૈયાણી અને મોહન કુંડારિયા રહ્યા ઉપસ્થિત#Rajkot @vijayrupanibjp @CMOGuj @Bhupendrapbjp pic.twitter.com/znMvAdLq6w

— VTV Gujarati News and Beyond (@VtvGujarati) June 12, 2022

આપને જણાવી દઈએ કે  રાજકોટ ચેમ્બર ઓફ કોમર્સ એન્ડ ઇન્ડસ્ટ્રીઝના સભ્ય પરિવારના સ્નેહ મિલનનું આયોજન ગોલ્ડન કલ્યાણ પાર્ટી પ્લોટમાં કરવામાં આવ્યું હતું. જ્યાં સીએમ ભૂપેન્દ્ર પટેલની સાથે ધારાસભ્યો, રાજકોટ ભાજપના હોદ્દેદારો, મંત્રીઑ તથા મેયર પણ હાજર રહ્યા હતા