રાજકોટની સિવિલ હોસ્પિટલમાં ખૂણે ખૂણે લાચારીના દ્રશ્યો અવારનવાર સામે આવ્યા છે. આવી સ્થિતિ વચ્ચે એસી બંધ થઈ જતા કાળઝાળ ગરમીથી પરેશાન દર્દી ટેબલ ફેન લઈ અને આવતા તંત્રની બેદરકારી સામે પડી હતી
સિવિલ હોસ્પિટલની સ્થિતિ કફોડી
ટ્રોમાના ઓર્થોપેડિક વિભાગનું AC બંધ!
દર્દીઓ ઘરેથી પંખો લાવવા મજબૂર!
હાલ શિયાળો વિદાય ભણી હોવાથી બપોરના સમયગાળા દરમિયાન ઉનાળાના આકરા તાપની આસર વર્તાઈ રહી છે. આવી સ્થિતિ વચ્ચે રાજકોટની સિવિલ હોસ્પિટલમાં આવેલ ટ્રોમા સેન્ટરના ઓર્થોપેડિક વિભાગમાં આઈસીયુમાં સેન્ટ્રલ એસી બંધ હોવાથી દર્દીઓ ઉપાધિ ભોગવી રહ્યા છે. આવી હાલત એક દર્દી ઘરેથી ટેબલ ફેન લઈને આવ્યો હતો.
સેન્ટ્રલ એસી આજે અચાનક બંધ
પ્રાપ્ત માહિતી પ્રમાણે રાજકોટ શહેરમાં આવેલી સિવિલ હોસ્પિટલની એવી તો દયનીય સ્થિતિ છે કે હવે તો તેમાં સારવાર લઈ રહેલા દર્દીઓ પણ પરેશાન થાય છે. જેનું જીવતુંજાગતું ઉદાહરણ સામે આવ્યું છે. સિવિલ હોસ્પિટલના ટ્રોમા સેન્ટ્રમાં એક ઓર્થોપેડિક વિભાગ છે. અને આ વિભાગનું સેન્ટ્રલ એસી આજે અચાનક બંધ થઈ ગયુ હતુ. આ ઘટના ઘટતા સારવાર લઈ રહેલા દર્દીઓ પરેશાન થઈ ગયા હતા. એક તો હાલમાં પડી રહેલા ગરમીના કારણે તમામ દર્દીઓ ગરમીથી ત્રાહિમામ પોકારી ગયા હતા. ત્યારે એક સારવાર લઈ રહેલો દર્દી તો ઘરેથી ટેબલ ફેન લઈને આવવા માટે મજબૂર બન્યો હતો. મહત્વની વાત તો એ છે કે સાંસદ, ધારાસભ્ય અને કલેક્ટરની મુલાકાત બાદ પણ સિવિલની આ સ્થિતિ સામે આવી રહી છે. ત્યારે સિવિલ તંત્ર ક્યારે દર્દીઓના સારવાર અને સુવિધામાં સુધારો લાવશે તેવા પણ સવાલો થઈ રહ્યા છે.
એક દર્દી ઘરેથી લાવ્યો ટેબલ ફેન
સિવિલ હોસ્પિટલમાં એક દર્દી ઘરેથી ટેબલ ફેન લાવવા માટે મજબૂર બન્યો હતો. કાળઝાર ગરમીમાં વિભાગમાં સારવાર લઈ રહેલા દર્દીઓ ગરમીના કારણે ત્રાહિમામ પોકારી ગયા હતા. ત્યારે એક દર્દીએ ઘરેથી ટેબલ ફેન લઈને આવવા માટે મજબુર બન્યો હતો.