નિર્ણય / 39 દિવસમાં 131 નવજાત બાળકો મોતને ભેટ્યા બાદ રાજકોટનું તંત્ર જાગ્યું તાત્કાલિક નવા સાધનો લીધા

• રાજકોટની હોસ્પિટલમાં નવજાત શિશુના મોતનો મામલો
• કે.ટી.ચિલ્ડ્રન હોસ્પિટલમાં 24 કલાકમાં 4 બાળકોના થયા મોત
• 25 નવા વોર્મરની ખરીદી કરવાનો નિર્ણય લેવાયો

જો કે રાજકોટ સિવિલ હોસ્પિટલમાં નવજાત શિશુના મોતને લઇને તંત્ર દ્વારા મહત્વનો નિર્ણય લેવામાં આવ્યો છે. જેમાં નવા 25 વોર્મરની ખરીદી કરવાનો નિર્ણય લેવામાં આવ્યો છે.

NICUને પ્રસુતિ વિભાગ પાસે શિફ્ટ કરવામાં આવશે. ઉલ્લેખનીય છે કે 9 દિવસમાં 21 બાળકોના મોત થતાં કલેકટરે સિવિલ હોસ્પિટલમાં નવજાતના મોતનો રિપોર્ટ માગ્યો છે. 

રાજકોટમાં કે.ટી. ચિલ્ડ્રન હોસ્પિટલમાં શિશુઓના મોતનો સિલસિલો યથાવત્ જોવા મળ્યો છે. જેમાં છેલ્લા 24 કલાકમાં વધુ 4 નવજાત શિશુઓના મોત થયાં છે.

જ્યારે છેલ્લા 8 દિવસમાં 20 બાળકોના મોત નિપજ્યાં છે. આમ ડિસેમ્બર મહિનામાં કુલ 111 બાળકોના મોત થયા છે.