રાજકોટ: ગુજરાતના મુખ્યમંત્રી વિજયભાઇ રૂપાણી આજે રાજકોટની મુલાકાતે છે. ત્યારે રાજકોટમાં વિજય રૂપાણી 10 એકર વિસ્તારમાં 307 કરોડના ખર્ચે બનાવવામાં આવેલા રિજિયોનલ સાયન્સ સેન્ટરનો શિલાન્યાસ કરશે. રાજ્યના વિદ્યાર્થીઓને વિશ્વકક્ષાનું સાયન્સ ટેકનોલોજી શિક્ષણ ઘર આંગણે જ જુએ અને શીખેના અભિગમથી પુરૂ પડવા ગુજરાતમાં 4 રિજિયોનલ સાયન્સ સેન્ટર બનાવવામાં આવશે.
ઉલ્લેખનીય છે કે 307 કરોડના ખર્ચે ભાવનગર રાજકોટ પાટણ અને ભુજમાં સાયન્સ સેન્ટર બનાવવામાં આવશે. આ સાયન્સ સેન્ટરમાં વિજ્ઞાનમાં રૂચિ ધરાવનારા લોકો માટે ઇન્ટરએકટિવ પ્રવૃત્તિઓ વિવિધ માડેલ્સ અને ફિલ્ડ ટ્રિપ્સ દ્વારા અસરકારક વિજ્ઞાન શિક્ષણની સુવિધાઓ ઉપલબ્ધ કરાવવામાં આવશે.
રાજકોટના રિજિયોનલ સાયન્સ સેન્ટરમાં ગ્લાસ અને સિરામિક લાઇફ સાયન્સ મશીન એન્જીનિયરીંગ રોબોટિક અને નોબેલ પ્રાઇઝ સહિતની ગેલેરી રાખવામાં આવશે.